മോഹന്ലാലിനെതിരെ രണ്ടുവട്ടം 'കൈ തോക്ക് ' ചൂണ്ടി...അലന്സിയര്: നടന്റെ ഒറ്റയാള് പ്രതിഷേധത്തില് ഞെട്ടി സദ്ദസ്... മോഹന്ലാലിന്റെ പ്രസംഗം തടസ്സപ്പെടുത്താന് വേദിയിലേക്ക് കയറാന് ശ്രമിച്ച നടനെ തടഞ്ഞ് പോലീസ്
പ്രതിഷേധിക്കുന്ന രീതിയില് എന്നും വ്യത്യസ്തനാണ് അലന്സിയര്. സംഘപരിവാറിനെതിരെ കാസര്കോഡ് ഒറ്റയാന് പ്രതിഷേധം നടത്തി ഇദ്ദേഹം ശ്രദ്ധേയനായിരുന്നു. സംസ്ഥാന ചലച്ചിത്ര അവാര്ഡ് സമര്പ്പണ ചടങ്ങില് നടന് മോഹന്ലാലിനെതിരെ നടന് അലന്സിയറിന്റെ പ്രതിഷേധം. മോഹന്ലാല് പ്രസംഗിച്ചുകൊണ്ടിരിക്കെ പ്രസംഗപീഠത്തിനു താഴെയെത്തി കൈവിരലുകള് തോക്കുപോലെയാക്കി രണ്ടുവട്ടം വെടിയുതിര്ക്കുകയായിരുന്നു. മോഹന്ലാല് പറയുന്നത് കള്ളമെന്ന ഭാവേനയായിരുന്നു മികച്ച സ്വഭാവ നടനുള്ള പുരസ്കാരം സ്വീകരിക്കാനെത്തിയ അലന്സിയറുടെ പ്രവൃത്തി. തുടര്ന്നു സ്റ്റേജിലേക്കു കയറി മോഹന്ലാലിന് അടുത്ത് എത്താനുള്ള ശ്രമം ചലച്ചിത്ര അക്കാദമി സെക്രട്ടറി മഹേഷ് പഞ്ചുവും പൊലീസും ചേര്ന്നു തടയുകയും സ്റ്റേജിനു പുറകിലേക്കു കൂട്ടിക്കൊണ്ടുപോവുകയും ചെയ്തു. ഇതിനിടയില് മോഹന്ലാല് പ്രസംഗം അവസാനിപ്പിക്കുകയും ചെയ്തു. മുഖ്യമന്ത്രി പിണറായി വിജയന്, മന്ത്രിമാരായ എ.കെ.ബാലന്, ഇ.ചന്ദ്രശേഖരന്, കടകംപള്ളി സുരേന്ദ്രന്, മാത്യു ടി.തോമസ്, പ്രതിപക്ഷ നേതാവ് രമേശ് ചെന്നിത്തല, കെ.മുരളീധരന് എംഎല്എ തുടങ്ങിയവര് വേദിയിലിരിക്കെയായിരുന്നു അലന്സിയറിന്റെ പ്രതിഷേധം.
വിരലുകള് തോക്കുപോലെയാക്കി അലന്സിയര് വെടിവയ്ക്കുന്നതു ബാലന് മുഖ്യമന്ത്രിയെ കാണിച്ചു കൊടുത്തെങ്കിലും ഗൗരവം കുറയ്ക്കാനായി മുഖ്യമന്ത്രി ആസ്വദിച്ചു ചിരിച്ചു വിടുകയായിരുന്നു. അതേസമയം തന്റെ പ്രവൃത്തിയില് പ്രതിഷേധസൂചകമായി എന്തെങ്കിലും കാണേണ്ടതില്ലെന്ന് അലന്സിയര് പറഞ്ഞു. ആ നിമിഷം എന്താണു ചെയ്തതെന്നു വ്യക്തമായ ഓര്മയില്ലെന്നും അദ്ദേഹം പറഞ്ഞു. പുരസ്കാര പ്രഖ്യാപന വേളയില് മികച്ച സ്വഭാവ നടനുള്ള പുരസ്കാരത്തെ അലന്സിയര് വിമര്ശിച്ചിരുന്നു. തനിക്കു സ്വഭാവ നടനുള്ള പുരസ്കാരം നല്കിയപ്പോള് നായകന്മാരൊക്കെ ചെയ്യുന്നത് എന്തു വേഷമാണെന്നായിരുന്നു അദ്ദേഹത്തിന്റെ ചോദ്യം.
വിമര്ശകര്ക്ക് ലാലിന്റെ മറുപടി പ്രസംഗം ഇങ്ങനെ
'നിങ്ങള്ക്കിടയിലേക്ക് വരാന് എനിക്കാരുടെയും അവകാശം വേണ്ട,
കഴിഞ്ഞ നാല്പത് കൊല്ലത്തിലേറെയായി ഞാന് നിങ്ങള്ക്കിടയിലുള്ളയാളാണ്.
പ്രിയപ്പെട്ട സഹപ്രവര്ത്തകര് ആദരിക്കപ്പെടുന്നത് കാണുന്നത് എന്റെ അവകാശമാണ്..
സിനിമയില് സമര്പ്പിച്ച എന്റെ അരങ്ങിനും ഒരുതിരശ്ശീലയുണ്ട് എന്ന് മറ്റാരേക്കാളും നന്നായി എനിക്കറിയാം. ആ തിരശ്ശീല വീഴുന്നതു വരെ ഞാന് ഇവിടെയൊക്കെ തന്നെ ഉണ്ടാകും...
ഒരു കവി പറഞ്ഞ പോലെ,
മധുര സ്നേഹമുഖനാം ഒരു യാത്രികന് വരും, വിളിക്കും, ഞാന് പോകും
വാതില് പൂട്ടാതെ അക്ഷമം...''മോഹന്ലാലിനെ മുഖ്യാതിഥിയായി ക്ഷണിച്ചത് ഇന്ത്യയിലെ നടന്മാരില് മുന്നിരയില് ഉള്ള ആള് എന്ന നിലയിലാണ് . അദ്ദേഹം മലയാളിക്ക് ചലച്ചിത്ര താരം മാത്രമല്ല'
മുഖ്യമന്ത്രി ശ്രീ.പിണറായി വിജയന്...
https://www.facebook.com/Malayalivartha
