കണ്ണൂര്‍ അഞ്ചരക്കണ്ടി ചക്കരക്കല്ലിനടുത്ത് മാച്ചേരിയില്‍ ഒമ്പതാംക്‌ളാസുകാരിയെയാണ് അച്ഛനെ അന്വേഷിച്ച് വീട്ടിലെത്തിയ യുവാക്കള്‍ കെട്ടിയിട്ട് പീഡിപ്പിച്ചത്. ഇന്നലെയാണ് സംഭവം. പൊലീസ് സ്‌റ്റേഷനു വിളിപ്പാടകലെയാണ് പെണ്‍കുട്ടിയുടെ വീട്.
ഇന്നലെ ഉച്ചയ്ക്ക് ബൈക്കിലെത്തിയ രണ്ടു യുവാക്കളാണ് പെണ്‍കുട്ടിയെ പീഡിപ്പിച്ചത്. അച്ഛനെ അന്വേഷിച്ച് ഇവര്‍ വീട്ടിലേക്ക് കയറിയ ഇവര്‍ പെണ്‍കുട്ടിയോട് അച്ഛന്റെ നമ്പര്‍ തരാമോയെന്നു ചോദിച്ചു. ചുമരില്‍ കുറിച്ചിട്ട നമ്പര്‍ നോക്കുന്നതിനായി അകത്തു കയറിയപ്പോള്‍ വരാന്തയിലുണ്ടായിരുന്ന യുവാക്കളും അകത്തു കയറി. ഇതില്‍ ഒരാള്‍ മുന്‍വശത്തെ വാതിലടച്ചു താഴിട്ടു. മറ്റൊരാള്‍ ശബ്ദമുണ്ടാക്കാതിരിക്കാനായി പെണ്‍കുട്ടിയുടെ വായ അടച്ചുപിടിച്ചു. ഇതിനു ശേഷം പെണ്‍കുട്ടിയുടെ ഇരുകൈകളും കസേരയില്‍ കെട്ടിയിട്ടതിനുശേഷം മാറിമാറി മാനഭംഗപ്പെടുത്തിയെന്നാണ് പെണ്‍കുട്ടി പൊലീസിനു നല്‍കിയ മൊഴി.
ചക്കരക്കല്ലിനടുത്തെ ഒരു സ്‌കൂളിലെ ഒമ്പതാംക്‌ളാസ് വിദ്യാര്‍ത്ഥിനിയാണ് 14 വയസുകാരിയായ പെണ്‍കുട്ടി. സംഭവസമയം പെണ്‍കുട്ടിയുടെ മാതാപിതാക്കള്‍ വീട്ടിലുണ്ടായിരുന്നില്ല. അക്രമികള്‍ പോയശേഷം പെണ്‍കുട്ടി ഏറെനേരം കുതറിയതിനു ശേഷമാണ് തുണികൊണ്ടു കെട്ടിയ കൈയുടെ കെട്ടഴിക്കാന്‍ കഴിഞ്ഞത്. ഇതിനുശേഷം 15മീറ്റര്‍ അകലെയുള്ള തൊട്ടടുത്തവീട്ടില്‍ കരഞ്ഞുകൊണ്ടു ഓടിപ്പോയ പെണ്‍കുട്ടി പീഡനവിവരം പറയുകയായിരുന്നു. പെണ്‍കുട്ടിയെ ബന്ധുക്കള്‍ ജില്ലാ ആശുപത്രിയില്‍ പ്രവേശിപ്പിച്ചു. ഇവിടെ നിന്നും വൈദ്യപരിശോധനയ്ക്കു വിധേയമാക്കി. പെണ്‍കുട്ടി ഇപ്പോള്‍ വനിതാസെല്‍ ഒബ്‌സര്‍വേഷന്‍ ഹോമിലാണ്.
തന്നെ മാനഭംഗപ്പെടുത്തിയവരെ തിരിച്ചറിയാമെന്ന് പെണ്‍കുട്ടി വനിതാ പൊലീസിനു മൊഴി നല്‍കിയിട്ടുണ്ട്. വെളുത്തു ഉയരമുള്ള രണ്ടുപേരാണ് വീട്ടിലെത്തിയത്. ഇതില്‍ ഒരാള്‍ക്ക് മുഖത്ത് മറുകുണ്ട്. ഇയാള്‍ ഒരാഴ്ച മുമ്പ് വീട്ടിനു മുമ്പിലെ റോഡിലൂടെ ബൈക്കില്‍ പോകുമ്പോള്‍ മറ്റൊരാള്‍ക്ക് തന്നെ ചൂണ്ടിക്കാണിച്ചുകൊണ്ട് ഇതാണ് പെണ്‍കുട്ടിയെന്ന് പറഞ്ഞിരുന്നതായി മൊഴി നല്‍കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha