യുദ്ധം തുടർന്ന് കൊണ്ട് ഇരിക്കുകയാണെങ്കിൽ ഇവിടെ സ്വർണ വില ഇനി പിടിച്ചാൽ കിട്ടാത്ത സാഹചര്യമാവും . എന്നാൽ ഇന്ന് സംസ്ഥാനത്ത് സ്വർണവിലയിൽ ഇടിവ് തുടരുന്നു. ഇന്ന് ഈ മാസത്തെ ഏറ്റവും കുറഞ്ഞ നിരക്കിലാണ് വ്യാപാരം ആരംഭിച്ചിരിക്കുന്നത്. ഒരു പവൻ സ്വർണത്തിന് 1,19,920 രൂപ നൽകണം. ഇന്നലെ ഇത് 1,20,640 രൂപ ആയിരുന്നു. പവന് 720 രൂപയാണ് ഒറ്റയടിക്ക് കുറഞ്ഞത്.

ഇന്നലെ ഗ്രാമിന് 15,080 രൂപയായിരുന്നു വില. ഇന്ന് 90 രൂപ കുറഞ്ഞ് 14,990 രൂപയിലെത്തി.ഇന്നത്തെ വെള്ളി വില ഗ്രാമിന് 295 രൂപയും കിലോഗ്രാമിന് 2,95,000 രൂപയുമാണ്.അന്താരാഷ്ട്ര വിപണിയിലുണ്ടാകുന്ന മാറ്റങ്ങളാണ് കേരളത്തിലെ സ്വർണ്ണവിലയെയും നിയന്ത്രിക്കുന്നത്. അമേരിക്കൻ പ്രസിഡന്റ് ഡൊണാൾഡ് ട്രംപ് പ്രഖ്യാപിച്ച പുതിയ താരിഫ് നയങ്ങളും യുഎസ് ഡോളറിന്റെ മൂല്യത്തിലുണ്ടാകുന്ന വ്യതിയാനങ്ങളും സ്വർണ്ണവിലയിൽ പ്രതിഫലിക്കുന്നു.

സുരക്ഷിത നിക്ഷേപമെന്ന നിലയിൽ ആഗോള നിക്ഷേപകർ സ്വർണ്ണത്തിലേക്ക് ചുവടുമാറ്റുന്നതും വില ഉയരാൻ കാരണമാകുന്നുണ്ട്. കൂടാതെ, ഭൗമരാഷ്ട്രീയ സാഹചര്യങ്ങളും യുഎസ് ഫെഡറൽ റിസർവിന്റെ പലിശ നിരക്ക് സംബന്ധിച്ച തീരുമാനങ്ങളും വിപണിയെ ശക്തമായി സ്വാധീനിക്കുന്നു.