പബ്ലിക്ക് ഗ്രൂപ്പിലേക്കുള്ള യുവമോര്ച്ച നേതാവിന്റെ അശ്ലീല വീഡിയോ സന്ദേശം അമിത് ഗുപ്തയെ അറസ്റ്റ് ചെയ്തത് പോലീസ്; ഇയാളെ പദവിയില്നിന്നും പുറത്താക്കിയതായും ബിജെപി
വാട്സാപ്പ് ഗ്രൂപ്പിലേക്ക് അശ്ലീല വീഡിയോകള് അയച്ചെന്ന പരാതിയില് ഭാരതീയ ജനതാ യുവമോര്ച്ച നേതാവ് അറസ്റ്റിലായി. ഹരിയാന യുവമോര്ച്ച ഉപാധ്യക്ഷന് അമിത് ഗുപ്തയാണ് അറസ്റ്റിലായത്. ഹരിയാന പ്രദേശ് മഹിളാ കോണ്ഗ്രസ് കമ്മിറ്റി സീനിയര് വൈസ് പ്രസിഡന്റ് രഞ്ജീതാ മേത്തയുടെ പരാതിയെ തുടര്ന്നാണ് അമിത് ഗുപ്തയെ അറസ്റ്റ് ചെയ്തത്.
സംഭവത്തില് അമിത് ഗുപ്തയെ യുവമോര്ച്ച ഉപാധ്യക്ഷ സ്ഥാനത്തുനിന്ന് നീക്കിയതായി പഞ്ച്കുല ബിജെപി അധ്യക്ഷന് ദീപക് ശര്മ അറിയിച്ചു. ഒരു കല്യാണത്തില് പങ്കെടുക്കാനായി പോയ അമിത് സുഹൃത്തുക്കളുടെ കൈയില് ഫോണ് നല്കിയിരുന്നു. തുടര്ന്ന് സുഹൃത്തുക്കള് അബദ്ധത്തില് വാട്സാപ്പ് ഗ്രൂപ്പിലേക്ക് അശ്ലീല വീഡിയോകള് അയക്കുകയായിരുന്നു. സംഭവത്തെക്കുറിച്ച് മറ്റൊരു സുഹൃത്ത് വിളിച്ചപ്പോഴാണ് അമിത് ?ഗുപ്ത അറിയുന്നതെന്നും ദീപക് ശര്മ പറഞ്ഞു.
മുതിര്ന്ന രാഷ്ട്രീയ നേതാക്കള്, ഉദ്യോഗസ്ഥര്, മാധ്യമ പ്രവര്ത്തകര് എന്നിവരടങ്ങുന്ന പഞ്ച്കുല മന്തന് എന്ന വാട്സാപ് ഗ്രൂപ്പിലേക്ക് 65 ഓളം അശ്ലീല വീഡിയോകളാണ് അമിത് അയച്ചതെന്ന് രഞ്ജീതയുടെ പരാതിയില് പറയുന്നു. പരാതിയില് പൊലീസ് അമിത് ഗുപ്തയെ കഴിഞ്ഞദിവസം അറസ്റ്റ് ചെയ്തു. ഐടി ആക്ട് പ്രകാരം കുറ്റം തെളിയിക്കപ്പെട്ടാല് അഞ്ചു വര്ഷം വരെ തടവും 10 ലക്ഷം രൂപ വരെ പിഴയും അല്ലെങ്കില് ഒരു വര്ഷം തടവോ പിഴയോ അല്ലെങ്കില് ഇത് രണ്ടുമാകാമെന്ന് പൊലീസ് ഉദ്യോ?ഗസ്ഥന് അരവിന്ദ് കുമാര് പറഞ്ഞു. വീഡിയോയെ പറ്റി സൈബര് െ്രെകം സെല്ല് അന്വേഷിക്കും. കൂടാതെ സംഭവത്തില് വീഡിയോ പങ്കുവയ്ക്കുന്ന സമയത്ത് പ്രതി ഉണ്ടായിരുന്ന സ്ഥലം, ഇന്റര്നെറ്റ് ഉപയോഗം, ഫോണിലെ മറ്റ് പ്രവര്ത്തനങ്ങള് എന്നിവയെക്കുറിച്ചും അന്വേഷണം നടത്തുമെന്ന് അധികൃതര് അറിയിച്ചു. ഓഗസ്റ്റ് 29, 30 തീയതികളിലായിരുന്നു സംഭവം.
https://www.facebook.com/Malayalivartha
