ഒരിറ്റു ജലമില്ല ദാഹമകറ്റാന്‍. വെള്ളം കയറി ദുരിതമനുഭവിക്കുന്ന വീടുകളില്‍ നല്‍കുന്ന കുടിവെള്ളത്തിന് തീവില ഈടാക്കുന്ന തായി പരാതി. മാന്നാര്‍ ഗ്രാമപഞ്ചായാത്ത് പതിമൂന്നാം വാര്‍ഡ് കിഴക്ക് നീര്‍പ്പള്ളിയില്‍ ഭാഗത്ത് നിരവധി വീടുകളില്‍ വെള്ളം കയറി വീട്ടുകാര്‍ ദുരിത മനുഭവിക്കുന്നത്. വീട്ടുപകരങ്ങളെല്ലാം നശിച്ചു. ചെളിയടിഞ്ഞതിനാല്‍ കിണര്‍ ഉപയോഗിക്കാന്‍ കഴിയാതെ കിടക്കുകയാണ്. പത്രങ്ങളും തുണികളുമെല്ലാം ഒഴുക്കെടുത്തു. ഇവിടെ കുടിവെള്ള പോലും ലഭിക്കുന്നില്ലന്ന് ദുരിതബാധിതര്‍ പരാതി പറയുന്നു. 

പിക്കപ് വാനില്‍ ടാങ്കില്‍ കൊണ്ടു വന്ന് വില്‍ക്കുന്ന ജലമാണ് ഏക ആശ്രയം. വീടിനു മുകളിലെ ടാങ്കില്‍ വെള്ളം നിറയ്ക്കുന്ന തിന് 450 രൂപയും. താഴെയുള്ള ടാങ്കില്‍ വെള്ളം നിറയ്ക്കുന്നതിന് 250 രുപയും വെള്ളത്തിന് വില നല്‍കണം. ഇതും വല്ലപ്പോഴും മാത്രമാണ് കിട്ടുന്നത്. കുടിവെള്ളം കിട്ടാതെ നാട്ടുകാര്‍ ദുരിതമനുഭവിക്കുന്നു. ഇവിടെ ശുദ്ധജലം എത്തിക്കുവാന്‍ നടപടി സ്വീകരിക്കണമെന്ന് കോണ്‍ഗ്രസിന്റെ വാര്‍ഡ് മെമ്പറിനോട് പരാതി പറഞ്ഞിട്ടും നടപടി സ്വീകരിച്ചില്ലന്ന് നാട്ടുകാര്‍ പറഞ്ഞു.