ബിഷപ്പ് ഫ്രാങ്കോ മുളയ്ക്കലിനെ കേരളത്തിലേക്ക് വിളിച്ചുവരുത്തി ചോദ്യം ചെയ്യും. ഐജി വിജയ് സാക്കറെ എത്തിയാല്‍ ഉടന്‍ നടപടി. വന്നില്ലെങ്കില്‍ ബിഷപ്പിനെ എങ്ങനെ കൊണ്ടുവരുമെന്ന ആലോചനയില്‍ പോലീസ്. പിണറായി നിര്‍ദ്ദേശിച്ചാല്‍ ബിഷപ്പിനെ അവിടെ പോയി പൊക്കാന്‍ കേരള പോലീസ്. എങ്കിലും രണ്ടും കല്‍പ്പിച്ച് ജലന്തര്‍ ബിഷപ്പ് ഫ്രാങ്കോ മുളയ്ക്കലിനെ കേരളത്തിലേക്ക് വിളിച്ചുവരുത്തി ചോദ്യം ചെയ്യാന്‍ പോലീസ്. 

ജലന്തര്‍ ബിഷപ്പ് ഫ്രാങ്കോ മുളയ്ക്കലിനെ കേരളത്തിലേക്ക് വിളിച്ചുവരുത്തി ചോദ്യം ചെയ്യാന്‍ ധാരണ. കോട്ടയത്ത് ജില്ലാ പൊലീസ് മേധാവിയുടെ നേതൃത്വത്തില്‍ നടന്ന യോഗമാണ് അന്വേഷണത്തില്‍ തൃപ്തി രേഖപ്പെടുത്തിയത്. പന്ത്രണ്ടാം തീയതി ഐജിയുടെ നേതൃത്വത്തില്‍ യോഗം ബിഷപ്പിനെ വിളിച്ചുവരുത്താന്‍ അനുമതി നല്‍കിയേക്കും 
ജലന്തര്‍ ബിഷപ്പിനെതിരായ പീഢന കേസില്‍ 90% അന്വേഷണവും പൂര്‍ത്തിയായി. ജില്ലാ പൊലീസ് മേധാവിയുടെ ഓഫിസില്‍ ചേര്‍ന്ന അന്വേഷണ സംഘത്തിന്റെ ആറുമണിക്കൂര്‍ നീണ്ട അവലോകനയോഗം കേസിലെ രേഖകള്‍ ഇഴകീറി പരിശോധിച്ചു.
ഇനിയും വ്യക്തത വരുത്തേണ്ട കാര്യങ്ങളെക്കുറിച്ചും ധാരണയായി. 12 ന് ചേരുന്ന ഐജിയുടെ യോഗം ഇക്കാര്യത്തില്‍ അന്തിമതീരുമാനമെടുക്കുമെന്ന് ജില്ലാ പൊലീസ് മേധാവി ഹരിശങ്കര്‍ പറഞ്ഞു.
അതേ സമയം പൊലീസ് കേസ് അട്ടിമറിക്കുന്നതായുള്ള എല്ലാ ആരോപണങ്ങളും അന്വേഷണസംഘം തള്ളിക്കളഞ്ഞു. നാലു വര്‍ഷം പഴക്കമുള്ള സംഭവത്തില്‍ സാക്ഷിമൊഴിയാണ് പ്രധാനം. അതിനാലാണ് കന്യാസ്ത്രീയെ പലതവണ ചോദ്യം ചെയ്യേണ്ടി വന്നത്. 57 ദിവസം നീണ്ട വിശദമായ അന്വേഷണം ആണ് നടന്നതെന്നും എന്ന് പി വ്യക്തമാക്കി.
പിസി ജോര്‍ജ് പരാതിക്കാരിയായ കന്യാസ്ത്രീക്കെതിരെ നടത്തിയ മോശം പരാമര്‍ശത്തില്‍ പരാതി ലഭിച്ചാല്‍ കേസ് രജിസ്റ്റര്‍ ചെയ്യും. അതേ സമയം സ്വമേധയാ കേസെടുക്കേണ്ട എന്ന നിയമോപദേശമാണ് പൊലീസിന് ലഭിച്ചതെന്നും ജില്ലാ പോലീസ് മേധാവി അറിയിച്ചു.