പന്ത്രണ്ടു തവണയും നടന്നത് ഉഭയകക്ഷി സമ്മതപ്രകാരമുള്ള സെക്‌സ് ആണെന്ന് കരുതുക, പതിമൂന്നാം തവണ നടന്നത് റേപ്പ് ആണെങ്കിലോ? അത് റേപ്പ് അല്ലേ? ഇനി, ബിഷപ്പ് റേപ്പ് ചെയ്തത് ഒരു സെക്‌സ് വാര്‍ക്കറിനെ ആണെന്ന് കരുതുക. അങ്ങനെ ചെയ്യാന്‍ ഭരണഘടന അനുവദിക്കുന്നുണ്ടെന്നാണോ നിങ്ങള്‍ കരുതുന്നത്? ഡോ. വീണ ജെ.എസ് , പി.സി ജോര്‍ജ്ജിനെ പേരെടുത്ത് പറയാതെ തന്റെ ഫെയിസ്ബുക്ക് പോസ്റ്റിലൂടെ വിമര്‍ശിക്കുന്നു. കന്യാസ്ത്രീയെ അപമാനിച്ച സംഭവത്തില്‍ ഇത്തരത്തിലുള്ള നിരവധി പേരാണ് പി.സി ജോര്‍ജ്ജിനെതിരെ പ്രതിഷേധവുമായി രംഗത്തെത്തിയത്.

ലൈംഗികത എന്നത് ജൈവികചോദനയാണ്. സഭ അതിനെ തടഞ്ഞു നിര്‍ത്തി തിരുവസ്ത്രം അണിയാന്‍ ആളുകളെ വിളിക്കുന്നതാണ് ഈ പ്രശ്‌നങ്ങളെല്ലാം ഉണ്ടാക്കുന്നത്. സ്വയം ഇഷ്ട്ടം കൊണ്ട് വരുവാ എന്നൊന്നും പറഞ്ഞേക്കരുത്. അങ്ങനെ ആണെങ്കില്‍ തന്നെ തോന്ന്യാസം കാണിച്ചു മറ്റൊരാളുടെ സ്വാതന്ത്ര്യം ഇല്ലാതെ ആക്കുന്ന ഏര്‍പ്പാടാക്കരുത്.

കാലങ്ങളായി ലൈംഗികത തടഞ്ഞു നിര്‍ത്തുന്നവരില്‍ പലരും പീഡകരായി മാറുന്നതില്‍ വലിയ അത്ഭുതമൊന്നുമില്ല. ഇത് ഒന്നാം തവണയാണോ? എത്രയെത്ര കുട്ടികളാണ് ഇരകള്‍ ആയത്? മാറേണ്ടത് സമൂഹത്തോടൊപ്പം സഭയുമാണ്. എല്ലാവരും ഇണകളോടൊപ്പം ജീവിക്കട്ടെ. ഒരു കന്യാമറിയം ഇണയില്ലാതെ പെറ്റു എന്നാണെങ്കില്‍ മറ്റു കന്യകമാര്‍ക്കും ആ സ്വാതന്ത്ര്യം ഉണ്ടായല്ലേ തീരൂ?. വിക്ടിം ആയ ആളെ വേദനിപിക്കാതിരിക്കുക എന്ന മിനിമം മര്യാദ ഉണ്ടാവണം. 

ഇന്‍ഡിപെന്‍ഡന്റ് എംഎല്‍എ എന്നൊക്കെ പിറുപിറുക്കുന്നുണ്ട്. നമുക്ക് വേണ്ടത് ഇത്തരം എംഎല്‍എക്കെതിരെയുള്ള കര്‍ശനമായ പെരുമാറ്റചട്ടങ്ങള്‍ ആണ്. അങ്ങനെയൊന്നുണ്ടോ? അങ്ങനെയൊന്നില്ലെങ്കില്‍ ഉണ്ടാവണം. ഇയാള്‍ പറയുന്ന വൃത്തികേട് ഇങ്ങനെയാണ്. പന്ത്രണ്ടു പ്രാവശ്യം അവര്‍ ചെയ്ത്. പതിമൂന്നാം തവണയെ അത് റേപ്പ് ആയുള്ളൂ. മിസ്റ്റര്‍ ഇന്‍ഡിപെന്‍ഡന്റ് എംഎല്‍എ, ഈ സാഹചര്യത്തെ മുന്‍നിര്‍ത്തി വായിക്കരുത്.