കേരള പൊലീസ് സൈബര്‍ സുരക്ഷയെപ്പറ്റി സംഘടിപ്പിക്കുന്ന രാജ്യാന്തര സെമിനാറായ കൊക്കൂണ്‍ 2018 ന്റെ പ്രചരണത്തിനായി പ്രശസ്ത നടന്‍ പ്രഥ്വിരാജ് ഈ മാസം 12 ന് ടെക്‌നോപാര്‍ക്കിലെത്തും. ടെക്‌നോപാര്‍ക്കിലെ ട്രാവന്‍കൂര്‍ ഹാളില്‍ വെകിട്ട് 4.30 തിന് വെച്ച് നടക്കുന്ന കര്‍ട്ടന്‍ റൈസര്‍ പരിപാടിയില്‍ പ്രഥ്വിരാജ് മുഖ്യാതിഥി ആയിരിക്കും, ചടങ്ങില്‍ തിരുവനന്തപുരം റേഞ്ച് ഐജി മനോജ് എബ്രഹാം ഐപിഎസ്, സിറ്റി പൊലീസ് കമ്മീഷണര്‍, പി. പ്രകാശ് ഐപിഎസ്, ജി ടെക് പ്രതിനിധി അലക്‌സാണ്ടര്‍ വര്‍ഗീസ് ( യുഎസ്ടി ഗ്ലോബല്‍ ചീഫ് ) എന്നിവര്‍ പങ്കെടുക്കും.

സൈബര്‍ സുരക്ഷയെ പറ്റിയുള്ള ഇന്ത്യയിലെ ഏറ്റവും പ്രശസ്തമായ രാജ്യന്തര കോണ്‍ഫറന്‍സായ കൊക്കൂണ്‍ ഈ വര്‍ഷം വളരെ പുതുമകളോടെയാണ് നടത്തുന്നത്. രാജ്യാന്തര തലത്തിലും സംസ്ഥാനത്തും സൈബര്‍ കുറ്റകൃത്യങ്ങളും തട്ടിപ്പുകളും വര്‍ദ്ധിക്കുന്ന സാഹചര്യത്തില്‍ സൈബര്‍ മേഖലയില്‍ ജോലി ചെയ്യുന്നവര്‍ക്കും മറ്റുള്ളവര്‍ക്കും സ്വയം പ്രതിരോധ മാര്‍ഗങ്ങള്‍ ഉള്‍പ്പെടെ തട്ടിപ്പുക്കളില്‍ നിന്നും എങ്ങനെ രക്ഷനേടാന്‍ കഴിയും എന്നുള്‍പ്പെടെയുള്ള കാര്യങ്ങളാണ് കോണ്‍ഫറണ്‍സില്‍ ചര്‍ച്ച ചെയ്യുന്നത്. കോണ്‍ഫറന്‍സില്‍, സൈബര്‍ മേഖലയിലുള്ളവര്‍ക്ക് പുറമെ വിദ്യാര്‍ത്ഥികള്‍ക്കും, അധ്യാപകര്‍ക്കും പ്രത്യേക ക്ലാസുകളും ഉണ്ടാകും. ജി ടെക്കുമായി സഹകരിച്ചാണ് കൊക്കൂണ്‍ 2018 നടത്തുന്നത്.