ജലന്തര്‍ ബിഷപ്പിന്റെ ക്രൂരമായ ബലാല്‍സംഘത്തിനിരയായ കന്യൂസ്ത്രിയുടെ പരാതി അടിസ്ഥാനരഹിതമാണെന്നും കന്യാസ്ത്രീയും അവരെ പിന്തുണയ്ക്കുന്നവരും സഭയ്‌ക്കെതിരെ സംഘടിത നീക്കം നടത്തുന്ന ബാഹ്യശക്തികള്‍ക്കൊപ്പമാണെന്ന് മിഷനറീസ് ഓഫ് ജീസസ് സഭ പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കുന്നു. സമരത്ത അപലപിക്കുയും തള്ളിക്കളയുകയും ചെയ്യുന്നു.

കന്യാസ്ത്രീയുടെ ആരോപണം വാസ്തവവിരുദ്ധം. പീഡനം നടന്നെന്ന് കന്യാസ്ത്രീ പറയുന്നതിന് ശേഷം ബിഷപ്പ് ഫ്രാങ്കോ മുളയ്ക്കലിനൊപ്പം കന്യാസ്ത്രി ചടങ്ങുകളില്‍ പങ്കെടുത്തു. അന്നൊക്കെ പരാതിക്കാരിയായ കന്യാസ്ത്രി സന്തോഷവതിയായാണ് കണ്ടത്. സഭയെ എക്കാലത്തും തകര്‍ക്കാന്‍ ശ്രമിക്കുന്ന ചിലര്‍ക്കൊപ്പം ചേര്‍ന്ന് അഞ്ച് കന്യാസ്ത്രീകള്‍ സഭയ്‌ക്കെതിരെ സമരം നടത്തുന്നത് ശ്രദ്ധയില്‍ പെട്ടിട്ടുണ്ടെന്നും സിസ്റ്റര്‍ റജീന പുറത്തിറക്കിയ വാര്‍ത്താക്കുറിപ്പില്‍ പറയുന്നു.

ബിഷപ്പ് ഫ്രാങ്കോയെ അറസ്റ്റ് ചെയ്യാന്‍ പൊലീസ് വൈകുന്നതില്‍ പ്രതിഷേധിച്ച് കുറവിലങ്ങാട് മഠത്തിലെ അഞ്ച് കന്യാസ്ത്രികള്‍ എറണാകുളത്ത് നടത്തുന്ന സമരത്തിന് പൊതുസമൂഹത്തിന്റെ പിന്തുണ വര്‍ദ്ധിച്ചുവരുന്ന സാഹചര്യത്തിലണ്. മിഷനറീസ് ഓഫ് ജീസസ് വാര്‍ത്താക്കുറിപ്പ് ഇറക്കിയത്.