ആഘോഷമില്ലാത്തൊരു കലോത്സവം... പ്രളയ ദുരന്തത്തിന്റെ പശ്ചാത്തലത്തില് ഇത്തവണത്തെ സംസ്ഥാന സ്കൂള് കലോത്സവം ആഘോഷങ്ങളും പകിട്ടുമില്ലാതെ നടത്താന് സര്ക്കാര് തീരുമാനം, കലോല്സവ മാന്വല് പരിഷ്ക്കരിക്കാനും നീക്കം
പ്രളയ ദുരന്തത്തിന്റെ പശ്ചാത്തലത്തില് ഇത്തവണത്തെ സംസ്ഥാന സ്കൂള് കലോത്സവം ആഘോഷങ്ങളും പകിട്ടുമില്ലാതെ നടത്താന് സര്ക്കാര് തീരുമാനിച്ചു. ഇക്കാര്യത്തില് മുഖ്യമന്ത്രി ഉന്നത ഉദ്യോഗസ്ഥരുമായി സംസാരിക്കുകയും സാംസ്കാരിക പ്രവര്ത്തകരുമായും ചര്ച്ച നടത്തുകയും ചെയ്തു. കലോല്സവ മാന്വല് പരിഷ്ക്കരിക്കാനും നീക്കമുണ്ട്.
സ്കൂള് കലോത്സവം മാത്രമല്ല കായികമേളയും ശാസ്ത്രമേളകളും നടത്താനാണ് സര്ക്കാര് തീരുമാനം. മേളകള് ഒഴിവാക്കുന്നത്, ആയിരക്കണക്കിന് കുട്ടികളുടെ ഗ്രേസ് മാര്ക്കിനെ ബാധിക്കുമെന്ന വിദ്യാഭ്യാസവകുപ്പിന്റെ നിര്ദേശത്തിന്റെ അടിസ്ഥാനത്തിലാണ് തീരുമാനം മാറ്റിയത്.വിദ്യാര്ത്ഥികള്ക്ക് ഗ്രേസ് മാര്ക്ക് നഷ്ടമാകുന്ന സാഹചര്യം ഉണ്ടാകരുതെന്ന് മുഖ്യമന്ത്രി നിര്ദ്ദേശിച്ചു.
അതേസമയം ഡിസംബറില് നടക്കാനിരിക്കുന്ന കേരള രാജ്യാന്തര ചലച്ചിത്രമേള (ഐ.എഫ്.എഫ്.കെ) നടത്തണമോ വേണ്ടയോ എന്ന കാര്യത്തില് തീരുമാനമായിട്ടില്ല. പ്രളയക്കെടുതിയുടെ പശ്ചാത്തലത്തിലാണ് ആഘോഷപരിപാടികള് റദ്ദാക്കി പൊതുഭരണവകുപ്പ് ഉത്തരവിറക്കിയത്. ഉത്തരവിനെതിെര സാംസ്കാരിക, വിദ്യാഭ്യാസമന്ത്രിമാര് മുഖ്യമന്ത്രിയുടെ ഓഫിസിനെ അതൃപ്തി അറിയിച്ചിരുന്നു. എന്നാല്, ആഘോഷ പരിപാടികള് ഒഴിവാക്കാനുള്ള നിര്ദേശത്തിലേക്ക് പൊതുഭരണവകുപ്പ് സെക്രട്ടറി സ്കൂള് കലോത്സവം ഉള്പ്പെടെയുള്ള പരിപാടികള് കൂട്ടിച്ചേര്ത്ത് ഉത്തരവിറക്കുകയായിരുന്നെന്ന് മുഖ്യമന്ത്രിയുടെ ഓഫിസ് അറിയിച്ചു.
തുടര്ന്ന്, അമേരിക്കയില് ചികിത്സയിലുണ്ടായിരുന്ന മുഖ്യമന്ത്രി പിണറായി വിജയനുമായി ചര്ച്ച നടത്തിയശേഷമാണ് കുട്ടികള്ക്ക് ഗ്രേസ്മാര്ക്ക് ലഭിക്കുന്ന എല്ലാ മേളകളും ആഘോഷമൊഴിവാക്കി നടത്താന് തീരുമാനിച്ചത്. സര്ക്കാര് ഉത്തരവിനെതിരെ അധ്യാപക സംഘടനകളും വിദ്യാര്ഥി സംഘടനകളും പ്രതിഷേധവുമായി രംഗത്തെത്തിയിരുന്നു. കഴിഞ്ഞ വര്ഷം ആറായിരത്തോളം വിദ്യാര്ഥികള്ക്കാണ് വിവിധ മേഖലകളിലൂടെ ഗ്രേസ് മാര്ക്ക് ലഭിച്ചത്.
എന്നാല് ഡിസംബറില് നടക്കാനിരിക്കുന്ന കേരള രാജ്യാന്തര ചലച്ചിത്രമേള (ഐ.എഫ്.എഫ്.കെ) നടത്തണമോ വേണ്ടയോ എന്ന കാര്യത്തില് തീരുമാനമായിട്ടില്ല. മുഖ്യമന്ത്രി അമേരിക്കയില്നിന്ന് തിരിച്ചെത്തിയ ശേഷമേ ഇതുസംബന്ധിച്ച അന്തിമ തീരുമാനം ഉണ്ടാകൂവെന്നാണ് അറിയുന്നത്.
https://www.facebook.com/Malayalivartha
