വീടുകളിൽ മോദിയുടെ ചിത്രങ്ങള് വേണ്ട ; മധ്യപ്രദേശില് പ്രധാനമന്ത്രി ആവാസ് യോജന പദ്ധതി പ്രകാരം നിര്മ്മിച്ച വീടുകളില് നിന്ന് പ്രധാനമന്ത്രിയുടെയും മുഖ്യമന്ത്രിയുടെയും ചിത്രങ്ങള് നീക്കം ചെയ്യാൻ ഉത്തരവ്
മധ്യപ്രദേശില് പ്രധാനമന്ത്രി ആവാസ് യോജന പദ്ധതി പ്രകാരം നിര്മ്മിച്ച വീടുകളില് നിന്ന് പ്രധാനമന്ത്രി നരേന്ദ്ര മോദിയുടേയും, മുഖ്യമന്ത്രി ശിവരാജ് സിംഗ് ചൗഹാന്റേയും ചിത്രങ്ങള് നീക്കം ചെയ്യണമെന്ന് മധ്യപ്രദേശ് ഹൈക്കോടതിയുടെ നിർദ്ദേശം. ഡിസംബര് 20ന് മുമ്പ് ഉത്തരവ് നടപ്പാക്കണമെന്നാണ് ഹൈക്കോടതിയുടെ നിര്ദേശം.
സര്ക്കാര് ഭവനപദ്ധതികള് പ്രകാരം നിര്മ്മിച്ച വീടുകളില് നേതാക്കളുടെ ചിത്രങ്ങള് ഉപയോഗിക്കുന്നതിനെതിരെ സമര്പ്പിച്ച പൊതുതാത്പര്യ ഹര്ജിയിലാണ് കോടതി നടപടി. പൊതുപണം ഉപയോഗിച്ചാണ് വീടുകള് നിര്മ്മിക്കുന്നതെന്നും അത് തെരഞ്ഞെടുപ്പ് നേട്ടത്തിനായി ദുരുപയോഗം ചെയ്യരുതെന്നും ഹര്ജിയില് പറയുന്നു. മധ്യപ്രദേശ് ഹൈക്കോടതിയുടെ ഗ്വാളിയോര് ബെഞ്ചാണ് ഹര്ജി പരിഗണിച്ചത്.
എന്നാല് ചിത്രങ്ങള് നീക്കം ചെയ്യാന് ഉത്തരവ് പുറപ്പെടുവിച്ചതായി സംസ്ഥാന സര്ക്കാര് കോടതിയില് വ്യക്തമാക്കി. പി.എം.എ.വൈ പദ്ധതിയുടെ ലോഗോ മാത്രമേ ഇനി ഈ വീടുകളില് പതിക്കു എന്നും സര്ക്കാര് കൂട്ടിച്ചേര്ത്തു.
സംസ്ഥാനത്ത് പി.എം.എ.വൈ പദ്ധതി പ്രകാരം നിര്മിക്കുന്ന വീടുകളുടെ പൂമുഖത്തും അടുക്കളയിലും പ്രധാനമന്ത്രിയുടെയും മുഖ്യമന്ത്രിയുടെയും ചിത്രങ്ങള് പതിക്കണമെന്നായിരുന്നു സംസ്ഥാന നഗരവികസന വകുപ്പ് അഡീഷണല് കമ്മീഷണര് മഞ്ജു ശര്മ ഏപ്രില് 4ന് പുറത്തിറക്കിയ ഉത്തരവില് പറഞ്ഞിരുന്നത്.
https://www.facebook.com/Malayalivartha
