രാഹുല്ഗാന്ധിയുടെയും എ.കെ ആന്റണിയുടെയും വലംകയ്യായ മുല്ലപ്പള്ളി രാമചന്ദ്രനെ കെ.പി.സി.സി പ്രസിഡന്റാക്കിയതില് പ്രതിഷേധം ശക്തമാകുന്നു... കോഴിക്കോട് ഡി.സി.സി ഓഫീസിന് മുന്നില് പോസ്റ്ററുകള് പ്രത്യക്ഷപ്പെട്ടു
രാഹുല്ഗാന്ധിയുടെയും എ.കെ ആന്റണിയുടെയും വലംകയ്യായ മുല്ലപ്പള്ളി രാമചന്ദ്രനെ കെ.പി.സി.സി പ്രസിഡന്റാക്കിയതില് പ്രതിഷേധം ശക്തമാകുന്നു. പ്രത്യേകിച്ച ഉത്തരകേരളത്തില്. കോഴിക്കോട് മുല്ലപ്പള്ളിക്കെതിരെ പോസ്റ്ററ്റുകള് പ്രത്യേക്ഷപ്പെട്ടു. കോഴിക്കോട് ഡിസിസി ഓഫീസിന് മുന്നിലാണ് പ്രവര്ത്തകര് പോസ്റ്ററൊട്ടിച്ചത്. പ്രവര്ത്തകരുടെ വികാരം മനസിലാക്കാത്ത പുന:സംഘടന ആര്ക്ക് വേണ്ടിയെന്നാണ് പോസ്റ്ററില് ചോദിക്കുന്നത്. കോണ്ഗ്രസ് അധ്യക്ഷ തെരഞ്ഞെടുപ്പില് വരണാധികാരിയായിരുന്നു മുല്ലപ്പള്ളി രാമചന്ദ്രന്.
കണ്ണൂരിലെ പ്രവര്ത്തകരാണ് കടുത്ത പ്രതിഷേധവുമായി രംഗത്തെത്തിയത്. ഇവരെല്ലാം കെ. സുധാകരന്റെ പിന്നില് അണിനിരക്കുന്നവരാണ്. യൂത്ത് കോണ്ഗ്രസ് നേതാവായിരുന്ന ശുഹൈബ് അതിദാരുണമായി കൊലചെയ്യപ്പെട്ടു. അന്നുമുതല് ശക്തമായ നിലപാടാണ് കെ. സുധാകരന് സ്വീകരിച്ചതെന്ന് വികാസ് മാഹി പല്ലൂര് എന്ന യൂത്ത് കോണ്ഗ്രസ് പ്രവര്ത്തകന് ചോദിക്കുന്നു. സമരം ശക്തമായപ്പോള് പെട്ടന്നൊരു ദിവസം സമരപരിപാടികള് യുഡിഫ് ഏറ്റെടുക്കാന് തീരുമാനിച്ചു.
അവരുടെ നേതൃത്വത്തില് ഒരു രാപകല് സമരം നടത്തി. കേരളത്തിലെ കോണ്ഗ്രസ് നേതൃത്വം കൊലയാളികളുമായി വല്ല ഒത്തുതീര്പ്പും നടത്തിയോ? ഇങ്ങിനെ പോയാല് നമ്മുടെ ശുഹൈബിന് നീതി കിട്ടുമോ? കോണ്ഗ്രസ് നേതാക്കള് അവരുടെ സ്ഥാനമാനത്തിനു മാത്രം വിലകല്പ്പിച്ചു മുന്നോട്ടു പോവാനാണ് ഭാവമെങ്കില് കോണ്ഗ്രസിന് കേരളത്തിലും വലിയ നഷ്ടം സംഭവിക്കാന് അധികം കാത്തിരിക്കേണ്ടി വരില്ല,, ഒത്തുതീര്പ്പു രാഷ്ട്രീയത്തെ പുറംകാല് കൊണ്ട് ചവിട്ടി മെതിക്കണമെന്നും വികാസ് ഫെയിസ്ബുക്കിലൂടെ പറയുന്നു. കെ. സുധാകരന്റെ പേരില് യൂത്ത് കോണ്ഗ്രസ് പ്രവര്ത്തകര് സജീവ ചര്ച്ച നടത്തുന്ന ഫെയിസ്ബുക്ക് ഗ്രൂപ്പിലും ഈ പോസ്റ്റ് ഷെയര് ചെയ്തിട്ടുണ്ട്.
പാര്ട്ടിയേക്കാള് വലുതാണ് സ്വന്തം വ്യക്തിത്വമെന്നു ധരിക്കുന്ന മുല്ലപ്പള്ളി കെ.പി.സി.സി സ്ഥാനത്തെത്തി. സ്വന്തം പ്രവര്ത്തകരെക്കാള് എതിരാളികളെ സ്നേഹിച്ചു ശീലമുള്ള മുല്ലപ്പള്ളി രാമചന്ദ്രനേക്കാള് ഞങ്ങള്ക്കിഷ്ട്ടം സ്വന്തം ജീവന് പോലും വകവെക്കാതെ എന്നും കോണ്ഗ്രസ് പ്രവര്ത്തകര്ക്ക് സംരക്ഷണം നല്കുന്ന, എതിരാളികളോട് അന്നും, ഇന്നും സന്ധിയില്ലാതെ പോരാട്ടം തുടരുന്ന കെ.സുധാകരനെയാണെന്നും അദ്ദേഹം കെ.പി.സി.സി. പ്രസിഡന്റ് സ്ഥാനത്തേക്ക് വരുന്നതാണ് ഇഷ്ടമെന്നും ഫൈസല് എ.പി കാരപ്പായി ഫെയിസ്ബുക്കിലൂടെ പറയുന്നു. താഴെതട്ടിലുള്ള പ്രവര്ത്തകരുടെ വികാരം മാനിച്ച് കോണ്ഗ്രസ് ദേശീയ നേതൃത്വം അനുചിതമായ ഈ തീരുമാനത്തില് നിന്നും ഉടന് പിന്മാറണമെന്നും ഈ യൂത്ത് കോണ്ഗ്രസ് പ്രവര്ത്തകന് ആവശ്യപ്പെടുന്നു.
https://www.facebook.com/Malayalivartha
