നാടകാന്തം കുരുക്കിലേക്ക്....സഭയ്ക്കു മുമ്പില്‍ കുമ്പിട്ട് സര്‍ക്കാര്‍; എന്തായാലും ഇന്നറസ്റ്റ് ചെയ്ത് മുഖം രക്ഷിക്കാന്‍ പോലീസ്.... എല്ലാക്കണ്ണുകളും ഐജി ഓഫീസിലേക്ക്
ബിഷപ്പിന്റെ സൗകരാര്‍ത്ഥം ദിവസം കുറച്ചു മണിക്കൂറുകള്‍ മാത്രം ചോദ്യം ചെയ്യല്‍. അതിനുശേഷം ക്രൗണ്‍ പ്ലാസയില്‍ അന്തിയുറക്കം. അകമ്പടിക്കു പോലീസ്. അറസ്റ്റ് ചെയ്യണോ, വേണ്ടയോ എന്ന് അന്വേഷണ ടീമില്‍ രണ്ടഭിപ്രായം. സഭയെ പിണക്കാന്‍ സര്‍ക്കാരിനും സിപിഎമ്മിനും പേടി.
ഈ മാരത്തണ്‍ ചോദ്യം ചെയ്യല്‍ തുടരാതെ ഫ്രാങ്കോ നിരപരാധിയാണെങ്കില്‍ അതു കേരളത്തോട് തുറന്നു പറയുക. ബിഷപ്പ് പീഡകനാണെങ്കില്‍ ഇന്നാട്ടിലെ ഏതൊരു പൗരനും ലഭിക്കുന്ന പരിരക്ഷ മാത്രം നല്‍കൂ. ഫ്രാങ്കോ കേസില്‍ സര്‍ക്കാരിനെ വലയ്ക്കുന്ന ചില വസ്തുതകളുണ്ട്.
വര്‍ഷങ്ങള്‍ക്കു മുമ്പ് നടന്ന പീഡനാരോപണം കൃത്യമായി തെളിയിക്കുന്ന സാക്ഷിമൊഴികളും, സാഹചര്യത്തെളിവുകളും കുറവ്, ലഭ്യമായ തെളിവുകളിലും, മൊഴികളിലും വൈരുദ്ധ്യം . എങ്കിലും ഇരയുടെ മൊഴി സാധൂകരിക്കുന്ന കുറച്ചു വിവരങ്ങള്‍ ശേഖരിക്കാന്‍ പോലീസിന് കഴിഞ്ഞു. സൂക്ഷ്മതയോടെയുള്ള ആ വിലയിരുത്തലുകളുടെ അടിസ്ഥാനത്തില്‍ ബിഷപ്പിനെ ഇന്നറസ്റ്റ് ചെയ്ത് മുഖം രക്ഷിക്കാനാണ് ശ്രമം. ഇതിനായി സിപിഎമ്മിലെ ചില ഉന്നത നേതാക്കള്‍ ഇന്നലെ സഭാ നേതൃത്വവുമായി രഹസ്യ ചര്‍ച്ച നടത്തി. പിണറായി വിജയന്റെ ഉറ്റ സുഹൃത്തായ കാഞ്ഞിരപ്പള്ളി മെത്രാന്‍ മാത്യു അറയ്ക്കലിന്റെ നിലപാട് ഏറെ നിര്‍ണ്ണായകമാണ്.
കന്യാസ്ത്രീ സമരത്തിനിടയിലേക്ക് ചില വര്‍ഗ്ഗീയ ശക്തികള്‍ കടന്നു കൂടിയെന്ന രഹസ്യാന്വേഷണ വിഭാഗം റിപ്പോര്‍ട്ടും സഭയ്ക്കു മുന്നില്‍ സര്‍ക്കാര്‍ നട്ടെല്ലു വളച്ചുവെന്ന കേരള ജനതയുടെ തോന്നലും കാണാതെ പോകാന്‍ സര്‍ക്കാരിനാകില്ല.
കൃത്യമായ തെളിവുകളുടെ പിന്‍ബലമില്ലാതെ അറസ്റ്റിലേക്കു കടന്നാല്‍ അതു പൊല്ലാപ്പാകും എന്ന് സര്‍ക്കാരിനു നന്നായറിയാം. ഇരു സംസ്ഥാനങ്ങളിലായി നടന്ന കേസ് ജലന്ധര്‍ രൂപത കോടതിയെ സമീപിച്ചാല്‍ സിബിഐ ഏറ്റെടുക്കാനിടയുണ്ട്. സര്‍ക്കാരിന്റെ മുഖം രക്ഷിക്കാന്‍ തിടുക്കത്തില്‍ അറസ്റ്റു ചെയ്താല്‍ പിന്നീടുള്ള സിബിഐ അന്വേഷണത്തില്‍ പോലീസിന് എന്തെങ്കിലും പിഴവു പറ്റിയെന്ന് കണ്ടെത്തിയാല്‍ സര്‍ക്കാരിനത് വലിയ തലവേദനയാകും. നാളെ സഭ സിപിഎമ്മിനു തന്നെ എതിരാകും. ബിജെപി ഉള്‍പ്പെടെയുള്ള രാഷ്ട്രീയ കക്ഷികള്‍ മുതലെടുപ്പിനും ശ്രമിക്കാം.
ഉഭയ സമ്മത പ്രകാരമുള്ള സെക്‌സ് നടന്നു എന്ന് ആരംഭഘട്ടത്തില്‍ അന്വേഷണ സംഘത്തില്‍ വിലയിരുത്തലുണ്ടായെങ്കിലും ഇരയ്ക്കനുകൂലമായ നിയമങ്ങള്‍ കേസിനെ ബാധിച്ചു. ബിഷപ്പ് എന്ന പദവി ദുരുപയോഗം ചെയ്തു എന്ന വകുപ്പില്‍ ഫ്രാങ്കോയെ തളയ്ക്കാം എന്നു തീരുമാനിച്ച അന്വേഷണ സംഘം ഒടുവില്‍ ബലാത്സംഗം നടന്നു എന്ന് തെളിയിക്കാനുളള തീവ്ര ശ്രമത്തിലാണ്.
https://www.facebook.com/Malayalivartha
