കന്യാസ്ത്രീ സമരത്തിന് ശക്തമായ പിന്തുണയുമായി കൂടുതല് കന്യാസ്ത്രീകള് രംഗത്ത്; കൂടുതല് തുറന്നുപറച്ചിലുകളെ സഭ ഭയപ്പെടുന്നു; സിസ്റ്റര് ലൂസിയുടെ വെളിപ്പെടുത്തലുകളില് പകച്ച് സഭ
സഭയുടെ കെട്ടുറപ്പിനെ ഈ സമരം ബാധിക്കില്ലെന്നും എന്നാല് കാലങ്ങളായി സഭയില് നടക്കുന്നത് ഇത്തരം തോന്നിയപ്രവൃത്തനങ്ങളാണെന്ന വെളിപ്പെടുത്തലുമായി സിസ്റ്റര് ലൂസി. ഫ്രാന്സിസ്കന് ക്ലാരിസ്റ്റ് സന്ന്യാസസമൂഹത്തിന്റെ സെന്റ് മേരീസ് പ്രോവിന്സില് അംഗമായ സി. ലൂസി എന്ന കന്യാസ്ത്രീ തന്റെ ഫെയ്സ്ബുക്ക് അക്കൗണ്ട് മുഖേനയും ചാനല്ചര്ച്ചയിലും തന്റെ നിലപാടുകള് വെട്ടിത്തുറന്നു പറഞ്ഞത് സഭയെ കടുത്ത പ്രതിസന്ധിയിലാക്കി. മാനന്തവാടിയിലാണ് ഇവരിപ്പോള് ഉള്ളത്.
സിസ്റ്ററിന്റെ ഫേസ് ബുക്ക് പോസ്റ്റ്
സന്യാസം സ്നേഹിക്കുന്നവരെന്കില് നിശബ്ദരാവുകയല്ല വേണ്ടത് ,പകരം ധീരരാകൂ.... കണ്തുറക്കൂ....തിരിച്ചറിയൂ....കന്യാമണികളെ....തുറന്ന് പറയൂ.... നല്ലൊരു നാളേക്കായ്....!!!
ജീവന്പോലും നഷ്ടപ്പെടാം എന്നറിഞ്ഞ് സമരപന്തലില് നീതിക്കായി ധീരരായി നില്ക്കും മിഷനറീസ് ഓഫ് ജീസസ് സന്യാസികളെ എന്റെ ഹൃദയം നിറഞ്ഞ അഭിവാനങ്ങള്.
മുഖംമൂടി വലിച്ചെറിഞ്ഞ് നേരില് നീതിക്കായി നില്ക്കുന്നവരെ ....
ഒരുവന് ജനാവലി നിങ്ങളോടൊത്തുണ്ട്..!!!
ഭയപ്പെടേണ്ട..!!!
ഇവിടെ നീചിക്കായുള്ള പോരാട്ടത്തില് കേരളത്തിലെ ഏകദേശം അരലക്ഷത്തോളം സിസ്റ്റേഴ്സ് അണിനിരക്കേണ്ടിടത്ത് ആകെ എത്രപേര് ???
ചോദിക്കട്ടെ ഒരു ബിഷപ്പോ,വൈദീകനോ ആഹ്വാനം ചെയ്യുന്ന സമരമായിരുന്നെന്കില്
വെള്ളവസ്ത്രവും ധരിച്ച് എത്രയോ പേര് 'ഉവ്വ് പിതാവേ' എന്നുപറഞ്ഞ് അണിനിരന്നേനേ ???
ഇനിയെന്കിലും ചിന്തിക്കൂൂൂ.
സമയമായി...!!
സൂര്യന് ഉദിച്ചിരിക്കുന്നു.
ഈ വരികളുടെ പേരില് വിമര്ശനം ഉണ്ടാകും.എന്നാല് നീതിക്കായുള്ള അഗ്നിയെ നശിപ്പിക്കാന് ആര്ക്കും ആവില്ല.
തെറ്റ് ചെയ്തയാള് ഉന്നതാധികാരസ്ഥാനത്തെന്നത് തെറ്റിന്റെ ഗൗരവും കൂട്ടും.ശിക്ഷിക്കപ്പെടണം....
കന്യാസ്ത്രീകളോട് സമരത്തിനിരങ്ങാന് ആഹ്വാനം ചെയ്യുന്ന സിസ്റ്ററിനെതിരെ വ്യാപക വിമര്ശനം സഭയുടെ ഭാഗത്തു നിന്നും ഉണ്ടാകുന്നുണ്ട്. കടുത്ത ആക്ഷേപമാണ് സിസ്റ്റര്ക്കെതിരെ പലരും ഉന്നയിക്കുന്നത്.
https://www.facebook.com/Malayalivartha