ശബരിമലയില്‍ സ്ത്രീകള്‍ക്ക് പ്രവേശനം നല്‍കിക്കൊണ്ടുള്ള സുപ്രീം കോടതി വിധി വന്ന ശേഷം നിരവധി പേരാണ് അവരുടെ നിലപാടുകള്‍ സമൂഹ മാധ്യമങ്ങള്‍ വഴിയും അല്ലാതെയും അറിയിച്ചത്. അപ്പസ്വാമിക്ക് ഇഷ്ടമല്ലെങ്കില്‍ ഒരൊഒറ്റ മനുഷ്യരെ അടുപ്പിക്കരുതെന്ന് എഴുത്തുകാരി ശാരദക്കുട്ടിയുടെ നിലപാട് കാനന ക്ഷേത്രം കാനനശോഭയോടെ നിലനില്‍ക്കണമെന്നും ആണും പെണ്ണും അങ്ങോട്ടു പോകരുത് എന്നും ശാരദക്കുട്ടി ഫേസ്ബുക്കില്‍ കുറിച്ചത്

അയ്യപ്പസ്വാമിക്ക് ഇഷ്ടമല്ലെങ്കില്‍ ഒറ്റ മനുഷ്യരെ അടുപ്പിക്കരുതെന്ന് എഴുത്തുകാരി ശാരദക്കുട്ടി. കാട്ടാനകളും കരിമ്പുലികളും കടുവാ പടയണികളും മണിനാഗങ്ങളും തിരുനട കാക്കുന്ന കാനനക്ഷേത്രമായി അവിടം നിലകൊള്ളണമെന്നും ശാരദക്കുട്ടി ഫേസ്ബുക്കില്‍ കുറിച്ചു.

കാനന ക്ഷേത്രം കാനനശോഭയോടെ, നിലനില്‍ക്കണമെന്നും ആരും - ആണും പെണ്ണും -അങ്ങോട്ടു പോകരുത് എന്നുമാണ് വ്യക്തിപരമായ അഭിപ്രായമെന്നും അവര്‍ പറഞ്ഞു.

ശാരദക്കുട്ടിയുടെ ഫേസ്ബുക്ക് പോസ്റ്റിന്റെ പൂര്‍ണ രൂപം;

അയ്യപ്പസ്വാമിക്കിഷ്ടമല്ലെങ്കില്‍ ഒറ്റമനുഷ്യരെ അടുപ്പിക്കരുത്.. കാട്ടാനകളും കരിമ്പുലികളും കടുവാ പടയണികളും മണിനാഗങ്ങളും തിരുനട കാക്കുന്ന കാനനക്ഷേത്രമായി അവിടം നിലകൊള്ളണം.

കാടും മേടും കാട്ടാറുകളും കാനനവീഥികളും മലിനപ്പെടുത്തിയതിത്ര കാലവും പെണ്ണുങ്ങളല്ല. അതു കൊണ്ടു തന്നെ 'കേറി വരിനെടീ മക്കളേ' എന്ന് ഗോഡ്ഫാദറിലെ അഞ്ഞൂറാന്‍ മുതലാളി വിളിച്ചതു പോലെ അയ്യപ്പസ്വാമി ഞങ്ങളെ വിളിക്കും.. കാരണം സ്വാമിക്കറിയാം ആണ്‍വീടായാലും ആണ്‍കാടായാലും അത് വിരസവും അരസികവും അകാല്പനികവും മാലിന്യ ജടിലവുമാണെന്ന്. കാനന ക്ഷേത്രം കാനനശോഭയോടെ, നിലനില്‍ക്കണമെന്നും ആരും - ആണും പെണ്ണും -അങ്ങോട്ടു പോകരുത് എന്നുമാണ് വ്യക്തിപരമായ അഭിപ്രായം.