ശബരിമല സ്ത്രീപ്രവേശത്തില്‍ സുപ്രീംകോടതി വിധിയെ രൂക്ഷമായി വിമര്‍ശിച്ച് അറ്റോര്‍ണി ജനറല്‍ കെ.കെ. വേണുഗോപാല്‍. ക്ഷേത്രകാര്യങ്ങളിൽ നിയമത്തിനേക്കാൾ കൂടുതൽ പ്രാധാന്യം ജന വികാരങ്ങൾക്കാണ് നൽകേണ്ടത് . കോടതി ജനവികാരം മനസിലാക്കണം.

ഭരണഘടനാ ബെഞ്ചിലുണ്ടായിരുന്ന ജസ്റ്റിസ് ഇന്ദു മല്‍ഹോത്രയുടെ നിലപാട് സ്വാഗതാർഹമാണ്. ശബരിമല വിഷയത്തിൽ ഇപ്പോൾ നിരത്തിലിറങ്ങിയിരിക്കുന്നത് ആയിരക്കണക്കിനു സ്ത്രീകളാണ്. ഇത് വിശ്വാസത്തിന്റെ പ്രശ്നമാണ്. അത് മാനിച്ചേ തീരൂ .

ഒരു പക്ഷെ സ്ത്രീകൾ ഇത്ര വലിയ പ്രതിഷേധവുമായി ഇറങ്ങുമെന്നു കോടതിപോലും ചിന്തിച്ചിട്ടുണ്ടാകില്ല. സ്ത്രീ പ്രവേശനമുണ്ടായായാൽ ദൈവകോപമുണ്ടാകുമെന്നു വിശ്വാസികൾ ചിന്തിക്കുന്നുണ്ട്. കേരളത്തിൽ സമീപകാലത്തുണ്ടായ പ്രളയം പോലും അയ്യപ്പകോപം കൊണ്ടാണെന്നു ഉണ്ടായതെന്ന് വിശ്വാസികൾ പറയുന്നു.
അറ്റോർണി ജനറലാകുന്നതിനു മുൻപ് ദേവസ്വം ബോർഡിനുവേണ്ടി സുപ്രീം കോടതിയിൽ ഹാജരായിരുന്നത് കെ.കെ. വേണുഗോപാലാണ്