വീട്ടുകാരെ പോലും അറിയിക്കാതെയാണ് രണ്ട് വനിതാ അഭിഭാഷകര് ശബരിമല വനിതാ പ്രവേശനത്തിന് സുപ്രീംകോടതിയില് ഹര്ജി നല്കിയത്, തങ്ങള്ക്ക് പിന്നില് സംഘപരിവാര് ശക്തികളാണെന്ന ആരോപണവും ഇവര് നിഷേധിച്ചു
ശബരിമലയില് യുവതികളെ പ്രവേശിപ്പിക്കണമെന്ന് ആവശ്യപ്പെട്ട് ഹര്ജി നല്കിയ രണ്ട് വനിതാ അഭിഭാഷകരില് രണ്ട് പേരായ പ്രേരണ കുമാരിയും ഭക്തി പസ്രീജ സേത്തിയും വീട്ടില് പോലും വിവരം അറിയിച്ചിരുന്നില്ല. ഹര്ജിക്ക് പിന്നില് സംഘപരിവാര് ശക്തികളാണെന്ന ആരോപണം ഉയരുമ്പോഴാണ് പ്രേരണ ഇക്കാര്യം വെളിപ്പെടുത്തുന്നത്. ഭര്ത്താവ് സിദ്ധാര്ത്ഥ് ശംഭുവിന് സംഘപരിവാര് സംഘടനകളുമായി അടുത്ത ബന്ധമുണ്ടെന്നും പ്രേരണ സമ്മതിക്കുന്നു. ഹര്ജിക്ക് പിന്നില് ബാഹ്യപ്രേരണയില്ലെന്നും പ്രേരണ വ്യക്തമാക്കുന്നു. പ്രേരണയും ബക്തി പസ്രീജ സേത്തിയും ഉള്പ്പെടുന്ന അഞ്ച് പേരാണ് ഹര്ജി നല്കിയത്.
ശബരിമലയിലെ വനിതാ നിയന്ത്രണം വിവേചനമാണെന്ന് കരുതിയാണ് ഹര്ജി നല്കിയത്. ഇന്ത്യന് യങ് ലോയേഴ്സ് അസോസിയേഷനിലെ പ്രേരണ കുമാരിയും ബക്തി പസ്രീജ സേത്തിയും ഉള്പ്പെടെയുള്ള അഞ്ച് പേരാണ് ഹര്ജി നല്കിയത്. 1991ല് നിയന്ത്രണം ഏര്പ്പെടുത്തിയ ഹൈക്കോടതി വിധിക്കെതിരെ 2006ലാണ് സുപ്രീംകോടതിയെ സമീപിച്ചത്. ഹര്ജി നല്കിയ സമയത്ത് ഏറെ തെറ്റിദ്ധരിക്കപ്പെട്ടതിനാല് പ്രേരണ കുമാരി കുറേനാള് കഴിഞ്ഞ് നിലപാട് മാറ്റിയിരുന്നു.
ഭക്തി പസ്രീജ സേത്തി സോഷ്യലിസ്റ്റ് പാരമ്പര്യമുള്ള കുടുംബാംഗമാണ്. ഭൂരിപക്ഷ വിധിക്കൊപ്പമാണ് താനെന്ന് അവര് വ്യക്തമാക്കി. ആര്എസ്എസുമായി തനിക്ക് വിദൂര ബന്ധം പോലുമില്ലെന്നാണ് ഇവര് പറയുന്നത്. പരമ്പരാഗത ഹിന്ദു കുടുംബാംഗമായ താനും ഹര്ജി നല്കിയ കാര്യം വീട്ടുകാരില് നിന്ന് ആദ്യ മറച്ചു വച്ചിരുന്നെന്നും ഇവര് പറഞ്ഞു. ഇവരെ കൂടാതെ സുധ പാല്, അല്ക ശര്മ്മ, ലക്ഷമി ശാസ്ത്രി എന്നിവരാണ് മറ്റ് ഹര്ജിക്കാര്. ആരും തന്നെ വിധി വന്ന ശേഷം പ്രതികരിക്കാന് താല്പര്യം കാട്ടിയില്ല.
https://www.facebook.com/Malayalivartha
