ശബരിമലയില് യുവതികളെ പ്രവേശിപ്പിക്കണമെന്ന രാഹുലിന്റെ നിലപാട് പാര്ലമെന്റ് തെരഞ്ഞെടുപ്പ് കൂടി മുന്കൂട്ടി കണ്ടാണ്, പൊളിറ്റ്ബ്യൂറോയേയും കാരാട്ടിനെയും ഉപയോഗിച്ച് പിണറയി നടത്തിയ തന്ത്രപരമായ നീക്കത്തിന്റെ ഫലമാണിത്, ഇതോടെ പ്രതിരോധിക്കാന് കവചകുണ്ഡലങ്ങളില്ലാത്ത കര്ണന്റെ അവസ്ഥയിലായി മുല്ലപ്പള്ളിയും ചെന്നിത്തലയും
ശബരിമല വിഷയത്തില് രാഹുല്ഗാന്ധിയുടെ വ്യക്തിപരമായ നിലപാട് വരുന്ന പാര്ലമെന്റ് തെരഞ്ഞടുപ്പ് കൂടി മുന്നില് കണ്ടാണെന്ന് രാഷ്ട്രീയ നിരീക്ഷകര് വിലയിരുത്തുന്നു. ഒരു വെടിക്ക് രണ്ട് പക്ഷികളെയാണ് രാഹുല് വീഴ്ത്തിയത്. വരുന്ന പാര്ലമെന്റ് തെരഞ്ഞെടുപ്പില് കോണ്ഗ്രസ് നേതൃത്വം നല്കുന്ന യു.പി.എയ്ക്ക് കേവലഭൂരിപക്ഷം നേരിടേണ്ടി വന്നാല് ഇടത് പക്ഷത്തിന്റെ കൂടെ പിന്തുണ വേണ്ടിവരും. അതുറപ്പിക്കാനാണ് രാഹുല് യുവതീപ്രവേശനത്തിലൂടെ ഒരുമുഴം മുന്നേ എറിഞ്ഞത്.
പൊളിറ്റ്ബ്യൂറോയേയും പ്രകാശ് കാരാട്ടിനെയും ഉപയോഗിച്ച് പിണറി നടത്തിയ തന്ത്രപരമായ നീക്കത്തിന്റെ ഫലമായാണ് രാഹുല് തന്റെ നിലപാട് പര്യമാക്കിയത്. ഈ പരസ്യ വടി ഉപയോഗിച്ച് പ്രതിപക്ഷനേതാവ് രമേശ് ചെന്നിത്തലയേയും കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രനേയും പിണറായിക്ക് ഇനി ആഞ്ഞടിക്കാം. കാരണം പ്രതിരോധിക്കാന് കവചകുണ്ഡലങ്ങളിത്ത കര്ണന്റെ അവസ്ഥയിലായി അവരും കേരളത്തിലെ കോണ്ഗ്രസ് നേതാക്കളും.
സുപ്രിംകോടതി വിധി വന്നയുടന് താനുമായി ആലോചിക്കാതെ കേരളത്തിലെ ചില നേതാക്കള് യുവതീപ്രവേശനത്തിന് എതിര് നിന്നത് രാഹുല് ഗാന്ധിക്ക് ഇഷ്ടമായിരുന്നില്ല. ഇതേ തുടര്ന്ന് മുതിര്ന്ന നേതാവ് എ.കെ ആന്റണിയുമായി രാഹുല് ഗാന്ധി ഇക്കാര്യം സംസാരിച്ചു. അതിന് ശേഷമാണ് നിലപാടില് വിട്ട് വീഴ്ചയ്ക്ക് തയ്യാറായത്. എന്നാല് പരസ്യമായ സമര രീതികള് പാടില്ലെന്നും നിര്ദ്ദേശിച്ചു. അതിന് പിന്നാലെയാണ് പ്രധാനപ്പെട്ട നേതാവും മുന് ദേവസ്വം പ്രസിഡന്റുമായ ബി.രാമന് നായര് ബി.ജെ.പിയുടെ പരിപാടി ഉദ്ഘാടനം ചെയ്തത്. അത് വിവാദമായതോടെ വിശദീകരണം പോലും ചോദിക്കാതെ അദ്ദേഹത്തെ കെ.പി.സി.സി നിര്വാഹക സമിതിയില് നിന്ന് എ.ഐ.സി.സി സസ്പെന്ഡ് ചെയ്തു. പിന്നീട് അദ്ദേഹം ബി.ജെ.പിയില് ചേര്ന്നു.
ശബരിമല വിഷയത്തില് ബി.ജെ.പി നേട്ടം കൊയ്യുന്നെന്നാണ് കേരളത്തിലെ കോണ്ഗ്രസ് നേതാക്കള് രാഹുല്ഗാന്ധിയെ ധരിപ്പിച്ചിരിക്കുന്നത്. എന്നാല് കോണ്ഗ്രസുകാര് ബി.ജെ.പിയിലേക്ക് ചേക്കേറാന് തുടങ്ങിയതോടെ തന്നെ പലരും തെറ്റിദ്ധരിപ്പിച്ചിരിക്കുകയാണെന്ന് രാഹുലിന് ബോധ്യമായി. തുടര്ന്നാണ് പരസ്യമായി തന്റെ നിലപാട് വ്യക്തമാക്കിയതെന്ന് അറിയുന്നു. ഇത് സി.പി.എമ്മിനും സര്ക്കാരിനും മുഖ്യമന്ത്രി പിണറായി വിജയനും വലിയ ഊര്ജ്ജമാണ് നല്കുന്നത്.
യുവതീപ്രവേശനത്തില് നിന്ന് പിന്മാറില്ലെന്ന നിലപാടുമായി മുഖ്യമന്ത്രി മുന്നോട്ട് പോകുമ്പോള് ബി.ജെ.പിക്കൊപ്പം കോണ്ഗ്രസും കൊകോര്ത്ത് സമരപരിപാടികളുമായി മുന്നോട്ട് പോവുകയാണ്. ദേശീയപ്രസ്ഥാനത്തിന്റെ പാരമ്പര്യമുള്ള കോണ്ഗ്രസ് അത് മറന്നാണ് യുവതീപ്രവേശനത്തെ എതിര്ക്കുന്നതെന്ന് പിണറായി പലതവണ ആവര്ത്തിച്ചു വ്യക്തമാക്കി. അത് അടിവരയിടുന്നതാണ് രാഹുല് ഗാന്ധിയുടെ വ്യക്തിപരമായ നിലപാട്.
https://www.facebook.com/Malayalivartha
