ശബരിമലയിലെ സ്ത്രീപ്രവേശവുമായി ബന്ധപ്പെട്ട കോണ്ഗ്രസ് അധ്യക്ഷന് രാഹുല് ഗാന്ധിയുടെ അഭിപ്രായം സ്വാഗതാര്ഹമാണെന്നും അഖിലേന്ത്യാ നയത്തില്നിന്ന് വ്യത്യസ്തമായി കേരളത്തിലെ കോണ്ഗ്രസ് സ്വീകരിക്കുന്ന സമീപനം അവരുടെ ജനാധിപത്യവിരുദ്ധമായ സമീപനത്തിന്റെ ദൃഷ്ടാന്തമാണെന്നും മുഖ്യമന്ത്രി
ശബരിമലയിലെ സ്ത്രീപ്രവേശവുമായി ബന്ധപ്പെട്ട കോണ്ഗ്രസ് അധ്യക്ഷന് രാഹുല് ഗാന്ധിയുടെ അഭിപ്രായം സ്വാഗതാര്ഹമാണെന്ന് മുഖ്യമന്ത്രി പിണറായി വിജയന്. അഖിലേന്ത്യാ നയത്തില്നിന്ന് വ്യത്യസ്തമായി കേരളത്തിലെ കോണ്ഗ്രസ് സ്വീകരിക്കുന്ന സമീപനം അവരുടെ ജനാധിപത്യവിരുദ്ധമായ സമീപനത്തിന്റെ ദൃഷ്ടാന്തമാണെന്നും അദ്ദേഹത്തിന്റെ ഫേസ്ബുക്ക് കുറിപ്പില് പറയുന്നു. ദേശീയ സ്വാതന്ത്ര്യപ്രസ്ഥാനത്തിന്റെ മൂല്യങ്ങളെ ഉള്ക്കൊണ്ട് രൂപീകരിക്കപ്പെട്ടതാണ് ഇന്ത്യന് ഭരണഘടന. അത്തരം മൂല്യങ്ങളില്നിന്ന് കേരളത്തിലെ കോണ്ഗ്രസ് അകന്നുപോയിരിക്കുന്നു.
ശബരിമല സ്ത്രീപ്രവേശവുമായി ബന്ധപ്പെട്ട് കേരളത്തിലെ കോണ്ഗ്രസ് നേതൃത്വത്തില് ഒരു വിഭാഗം യാഥാസ്ഥിതിക നിലപാട് സ്വീകരിച്ചുവരികയാണ്. ആ നിലപാട് ബിജെപിയെ സഹായിക്കാന് മാത്രമേ ഇടയാക്കുവെന്നും അദ്ദേഹം ചൂണ്ടിക്കാട്ടി. രാഹുല് ഗാന്ധിയടക്കമുള്ള അഖിലേന്ത്യാ നേതൃത്വത്തിന്റെ അഭിപ്രായങ്ങളെ നിരാകരിക്കുന്ന നിലപാടാണ് കേരളത്തിലെ കോണ്ഗ്രസ് നേതൃത്വത്തില് ഒരു വിഭാഗം സ്വീകരിക്കുന്നത്.
ഭരണഘടനയെയും നീതിന്യായവ്യവസ്ഥയെയും അംഗീകരിക്കുന്ന കോണ്ഗ്രസുകാരുടെ നിലപാട് എന്താണെന്ന് അറിയാന് ജനങ്ങള്ക്ക് താല്പര്യവുമുണ്ടെന്നും പിണറായി ഫേസ്ബുക്കില് പറഞ്ഞു.
"
https://www.facebook.com/Malayalivartha
