കണ്ടു പഠിക്കാത്ത സര്ക്കാര് കൊണ്ടു പഠിക്കുന്നു ; തൈക്കാട് ഗസ്റ്റ് ഹൗസില് വച്ചു നടത്തിയ ദക്ഷിണേന്ത്യന് മന്ത്രിമാരുടെ ശബരിമല അവലോകന യോഗം മറ്റു സംസ്ഥാനക്കാര് കുളമാക്കിയത് അറിഞ്ഞുകൊണ്ട്; മറ്റു മന്ത്രിമാര് വരില്ല എന്ന് മുന്കൂട്ടി അറിയിച്ചിരുന്നില്ല എന്ന് ബന്ധപ്പെട്ടവര് പറയുമ്പോള് അടിയൊഴുക്കുകള് വ്യക്തം
ശബരിമല വിഷയം ദക്ഷിണേന്ത്യയുടെ മുഴുവന് പ്രശ്നമാണ്. ഇത് സര്ക്കാരിന്റെ ധാര്ഷ്ഠ്യത്തിനേറ്റ പ്രഹരം. തൈക്കാട് ഗസ്റ്റ് ഹൗസില് വച്ചു നടത്തിയ ദക്ഷിണേന്ത്യന് മന്ത്രിമാരുടെ ശബരിമല അവലോകന യോഗം മറ്റു സംസ്ഥാനക്കാര് കുളമാക്കിയത് അറിഞ്ഞുകൊണ്ടു തന്നെ.
തങ്ങളുടെ സംസ്ഥാനങ്ങളില് അയ്യപ്പഭക്തര് വിശ്വാസ അവകാശത്തിനുവേണ്ടി പോരാടുമ്പോള് അവ കണ്ടില്ലെന്നു നടിക്കാന് അവര്ക്കാവില്ല. കേരള സര്ക്കാരിന് ശബരിമല വിധി നടപ്പാക്കുന്നതില് സംഭവിക്കുന്ന നിരവധി പാളിച്ചകളില് അവസാനത്തേതായിരുന്നു ഇന്നത്തേത്. മറ്റു മന്ത്രിമാര് വരില്ല എന്ന് മുന്കൂട്ടി അറിയിച്ചിരുന്നില്ല എന്ന് ബന്ധപ്പെട്ടവര് പറയുമ്പോള് അടിയൊഴുക്കുകള് വ്യക്തമാണ്.
ശബരിമലയിലെ വിശ്വാസികളില് വലിയൊരു വിഭാഗം അന്യസംസ്ഥാനക്കാരാണ്. സുപ്രീംകോടതി വിധി വന്ന അന്നുമുതല് അവരുടെ വികാരങ്ങള് സോഷ്യല് മീഡിയയില് നിറയുന്നത് നാം കണ്ടു. അപ്പോള് തന്നെ മുഖ്യമന്ത്രിക്കും, കേരള സര്ക്കാരിനും ദക്ഷിണേന്ത്യയിലെ ദേവസ്വം മന്ത്രിമാരെ പങ്കെടുപ്പിച്ചുകൊണ്ട് ഒരു അടിയന്തിര ചര്ച്ച ഈ വിഷയത്തില് സംഘടിപ്പിക്കേണ്ടതായിരുന്നു.
എന്നാല് സര്ക്കാരിന്റെ തിടുക്കവും, നടപ്പിലാക്കുന്നതിലെ ധാര്ഷ്ഠ്യവും, വിശ്വാസികളുടെ നേര്ക്കുള്ള പോലീസ് ഇടപെടലുകളും ഈ സംസ്ഥാനങ്ങളില് വലിയ ചര്ച്ചയായി. ശബരിമല വിഷയം ഈ സംസ്ഥാനങ്ങളിലൊക്കെ കത്തിയാളുകയായിരുന്നു. വലിയൊരു വിശ്വാസി സമരമായി രൂപപ്പെടുകയായിരുന്നു.
എന്നാല് പിണറായി സര്ക്കാര് ഈ പ്രതിഷേധങ്ങളെ കണ്ടില്ലെന്നു നടിച്ചു. ആ ഭക്തരുടെ വികാരങ്ങള്ക്കു ചെവികൊടുത്തില്ല. ഒടുവില് പ്രതിഷേധം ഔദേ്യാഗിക തലത്തിലെത്തിയപ്പോള് വല്ലാത്തൊരു ഗതികേടിലുമായിപ്പോയി. ഇന്ത്യയൊട്ടുക്ക് വിശ്വാസി സമരങ്ങള് കത്തിയാളുന്നത് ദേശീയ മാധ്യമങ്ങളില് വലിയ പ്രാധാന്യത്തോടെ വന്നപ്പോള്, കേരളത്തിലെ മിക്ക മാധ്യമങ്ങളും അവ കണ്ടില്ലെന്നു നടിച്ചു. സര്ക്കാരും സി.പി.എമ്മും ഇതിനെ ബി.ജെ.പി, സംഘപരിവാര് സമരങ്ങളായി ചിത്രീകരിച്ചു. ശബരിമലയിലെ അന്യസംസ്ഥാന വിശ്വാസികളെക്കൂടി നാം വിശ്വാസത്തിലെടുക്കേണ്ടിയിരുന്നു. നമ്മുടെ സമ്പദ്ഘടനയ്ക്കു തന്നെ അവരുടെ തീര്ത്ഥാടനം വലിയ സംഭാവനയാണ് നല്കുന്നത്. ശബരിമലയിലെ യുവതീപ്രവേശനം തടയുവാന് അതിര്ത്തിയില് തങ്ങള് പ്രതിരോധമൊരുക്കുമെന്ന് തമിഴ് ഭക്തര് പറയുന്ന നിരവധി വീഡിയോകള് സോഷ്യല് മീഡിയയിലുണ്ട്. ശബരിമല കേരളത്തിന്റെ മാത്രം വിശ്വാസ പ്രശ്നമല്ല. അയല് സംസ്ഥാനങ്ങളെക്കൂടി വിശ്വാസത്തിലെടുക്കണം. സമവായ ചര്ച്ചകള് വേണം. സംഘര്ഷമല്ല സൗഹാര്ദ്ദപരമായ അന്തരീക്ഷത്തിലാകണം ചര്ച്ചകള്. പ്രശ്നം പരിഹരിക്കേണ്ടതും തെരുവിലല്ല.
https://www.facebook.com/Malayalivartha
