ടി.പി ചന്ദ്രശേഖരന് വധക്കേസിലെ പ്രതിയ്ക്ക് ശിക്ഷ ലഭിച്ച് നാലുവര്ഷത്തിനിടെ 434 ദിവസത്തെ പരോള്; സര്ക്കാര് നിലപാടിനെതിരേ ഹൈക്കോടതിയെ സമീപിക്കുമെന്ന് കെ.കെ.രമ
31 OCTOBER 2018 03:10 PM IST
മലയാളി വാര്ത്ത
ആര്എംപിഐ നേതാവ് കെ.കെ.രമ, ടി.പി ചന്ദ്രശേഖരന് വധക്കേസിലെ പ്രതി കുഞ്ഞനന്തന് അനധികൃതമായി പരോള് അനുവദിക്കുന്ന സര്ക്കാര് നിലപാടിനെതിരെ ഹൈക്കോടതിയെ സമീപിക്കുന്നു.
മറ്റു കേസുകളിലെ പ്രതികള്ക്കൊന്നും ലഭിക്കാത്ത പരിഗണനയാണ് ടി.പി കേസ് പ്രതികള്ക്ക് പിണറായി സര്ക്കാര് നല്കുന്നത്.
കുഞ്ഞനന്തന് ശിക്ഷ ലഭിച്ച് നാലുവര്ഷത്തിനിടെ 434 ദിവസമാണ് പരോള് ലഭിച്ചിരിക്കുന്നത്.
നിയമവ്യവസ്ഥയെ സര്ക്കാര് കാറ്റില് പറത്തിയിരിക്കുകയാണ്. ഈ സര്ക്കാര് അധികാരമേറ്റശേഷം സാധാരണ ജനങ്ങള്ക്കല്ല, കൊലക്കേസ് പ്രതികള്ക്കാണ് ആനുകൂല്യങ്ങള് ലഭിക്കുന്നതെന്ന് അവര് അഭിപ്രായപ്പെട്ടു.
അനധികൃത പരോളിനെതിരെ അടുത്ത ദിവസംതന്നെ ഹൈക്കോടതിയെ സമീപിക്കാനാണ് ആലോചിക്കുന്നത്.
സര്ക്കാര് നടത്തുന്ന നിയമലംഘനത്തിനെതിരെ നിയമപരമായി ഏതറ്റംവരെയും പോകുമെന്ന് രമ വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
