ഭക്തര്‍ക്കൊപ്പം നില്‍ക്കാത്ത ദേവസ്വം ബോര്‍ഡിനെ മുട്ട് കുത്തിക്കാനൊരുങ്ങിയിരിക്കുകയാണ് ഭക്തര്‍. കഴിഞ്ഞ തുലാം മാസ പൂജകള്‍ക്കിടെ കാണിക്കയ്ക്ക് പകരം സ്വാമി ശരണം നല്‍കിയിരുന്നു. ഇത് ദേവസ്വം ബോര്‍ഡിന്റെ വരുമാനത്തെ കാര്യമായി ബാധിച്ചിരുന്നു. ഇപ്പോള്‍ അരവണ, അപ്പം ബഹിഷ്‌ക്കരണ നീക്കവുമായി പോകുകയാണ് അവര്‍.

ലേലത്തിലെ അനിശ്ചിതങ്ങള്‍ക്കിടെ കാണിക്ക, പ്രസാദ ബഹിഷ്‌ക്കരണ ആഹ്വാനങ്ങളും ദേവസ്വം ബോര്‍ഡിന് തലവേദനയാകും. യുവതീ പ്രവേശന വിധിക്ക് ശേഷം തുലാമാസ പൂഡ സമയത്ത് നടവരവ് കഴിഞ്ഞ വര്‍ഷത്തെക്കാള്‍ 44.50 ലക്ഷം രൂപ കുറവായിരുന്നു. മണ്ഡല മകരവിളക്ക് കാലത്തിനു മുമ്പ് വിവാദം തീര്‍ന്നില്ലെങ്കില്‍ ബോര്‍ഡിന്റെ സാമ്പത്തിക സ്ഥിതി മോശമായേക്കുമെന്ന് ആശങ്കയുണ്ട്.

ശബരിമല വരുമാനത്തെ ആശ്രയിച്ചാണ് ബോര്‍ഡിന്റെയും ഭൂരിഭാഗം ക്ഷേത്രങ്ങളുടെയും നിലനില്‍പ്പ് 1249 ക്ഷേത്രങ്ങളാണ് തിരുവിതാംകൂര്‍ ദേവസ്വം ബോര്‍ജിന് കീഴിലുള്ളത്. ഇതില്‍ ശബരിമലയാണ് വരുമാനത്തില്‍ ഒന്നാമത്. 61 ക്ഷേത്രങ്ങള്‍ക്ക് സ്വന്തം വരുമാനം കൊണ്ട് പിടിച്ചു നില്‍ക്കാനാകുന്നുണ്ട്.

ശബരിമല വരുമാനമാണ് ബോര്‍ഡിലെ ശമ്പളം, പെന്‍ഷന്‍, സാമ്പത്തിക നില മോശമായ ക്ഷേത്രങ്ങളുടെ നിത്യനിദാനം എന്നിവയ്ക്ക് ഉപയോഗിക്കുന്നത്. ശമ്പളത്തിന് 354 കോടിയും പെന്‍ഷന് 133 കോടിയും ബോര്‍ഡിന് ചെലവുണ്ട്.

ശബരിമല വരുമാനത്തിന്റെ മൂന്നിലൊന്ന് അപ്പം , അരവണ വില്‍പ്പന വഴിയാണ്, മണ്ഡല കാലത്തിന് നട തുറക്കും. മുമ്പു തന്നെ ബോര്‍ഡ് ഇതിന്റെ കരുതല്‍ ശേഖരം ഒരുക്കും. നട തുറക്കുംമുമ്പ് 25 ലക്ഷം ടിന്‍ അരവണയാണ് തയ്യാറാക്കി വയ്ക്കുക. നാലു ലക്ഷത്തോളം കവര്‍ അപ്പവും തയ്യാറാകും.