ആറ്റിക്കുറുക്കി ,അളന്നു കുറിച്ച് മുഖ്യമന്ത്രി പിണറായി വിജയൻ ആവർത്തിക്കുന്നു ..ഇത് നവോത്ഥാന മുന്നേറ്റമാണ് . പിറകോട്ടില്ല. പറയാനുള്ളത് എല്ലാമീറ്റിങ്ങുകളിലും ആവർത്തിക്കുന്നു.. പത്തുമിനിട്ടിൽ തന്റെ നിലപാട് വ്യക്തമാക്കുന്നു.

ശബരിമല പ്രവേശന വിഷയത്തിൽ വാദപ്രതിവാദങ്ങളും ആക്രമണങ്ങളും അരങ്ങു കൊഴുപ്പിക്കുമ്പോഴും മുഘ്യമന്ത്രി വീണ്ടും കുലുക്കമില്ലാതെ .തന്റെ തീരുമാനത്തിൽ നിന്ന് അണുവിട പുറകോട്ടില്ലെന്ന ഉറച്ച നിലപാട്. മുഖ്യമന്ത്രിയുടെ വിശദീകരണം ഇങ്ങനെ

2006 ൽ ശബരിമല സ്ത്രീ പ്രവേശനവിഷയത്തിൽ ഹൈക്കോടതി വിധി വന്നപ്പോഴും സംഘ പരിവാറിൽ പെട്ട സ്ത്രീകൾ കേസ് കൊടുത്തിരുന്നു. 2007 ൽ ഇത് സംബന്ധിച്ച് ഇടതുപക്ഷ ഗവണ്മെന്റ് സത്യവാങ്മൂലം നൽകിയിരുന്നു. ഈ വിഷയത്തിൽ ഇടതുപക്ഷമുന്നണിക്ക് വ്യക്തമായ കാഴ്ചപ്പാടുണ്ട്. ഇത് ജനാധിപത്യ വ്യവസ്ഥിതിയുള്ള ഒരു രാജ്യമാണ്. ഇവിടെ സ്ത്രീക്കും പുരുഷനും തുല്യ നീതിയാണുള്ളത് . തുല്യമായ ആരാധനാ സ്വാതന്ത്ര്യവും ഉണ്ട് . അതോടൊപ്പം ഈ പ്രശ്നം എങ്ങിനെ കൈകാര്യം ചെയ്യണമെന്ന് സുപ്രീം കോടതിക്ക് നിർദ്ദേശം നല്കിയിരുന്നു . ഇത് വിശ്വാസത്തിന്റെ പ്രശ്നമാണ്. അതുകൊണ്ടു തന്നെ ഹിന്ദുമതത്തിലും ധർമ്മശാസ്ത്രത്തിലും പ്രവീണ്യംഉള്ളവരെ ഉൾപ്പെടുത്തി ഒരു കമ്മീഷനെ വെച്ച് അഭിപ്രായം തേടണം . സുപ്രീം കോടതി വിധി അത് എന്ത് തന്നെ ആയാലും നടപ്പിലാക്കും . വിധി LDF നു അനുകൂലമോ പ്രതികൂലമോ എന്നതല്ല ..രാജ്യത്തിന്റെ പരമോന്നത കോടതിയുടെ വിധി നടപ്പിലാക്കുക എന്നതാണ് സർക്കാരിന്റെ ധർമ്മം.
എല്ലാ സ്ത്രീകളും നിർബന്ധമായി ശബരിമലയിൽ പോകണമെന്ന് LDF ഓ സുപ്രീം കോടതിയോ പറഞ്ഞിട്ടില്ല .ആഗ്രമുള്ളവർക്ക് ആരാധനാ സ്വാതന്ത്ര്യം ഉണ്ട്. അത്രമാത്രം. അത് നമ്മുടെ ഭരണ ഘടന ഉറപ്പു തരുന്നതാണ്. ശബരിമലയിൽ പ്രത്യേക വയസ്സിൽ പോകണമോ വേണ്ടയോ എന്നത് അവരുടെ തീരുമാനമാണ്. സർക്കാർ ആരെയും നിർബന്ധിക്കുന്നില്ല.
ഈ വിഷയത്തിൽ പുനഃ പരിശോധനാ ഹർജി കൊടുക്കേണ്ട ആവശ്യം സർക്കാരിനില്ല . എങ്ങിനെ കൊടുക്കാനാണ്? സുപ്രീം കോടതി വിധി നടപ്പിലാക്കുമെന്നാണ് സർക്കാർ സത്യവാങ്മൂലത്തിൽ പറഞ്ഞത്. അത് കൊണ്ട് തന്നെ നിയമ വാഴ്ച നില നിൽക്കുമ്പോൾ പരമോന്നത കോടതി പറഞ്ഞ വിധി നടപ്പിലാക്കേണ്ടത് സർക്കാരിന്റെ ബാധ്യതയാണ്

നമ്മുടെ നാട്ടിൽ നടക്കാൻ പാടില്ലാത്തതു ചെയ്തവരെയാണ് അറസ്റ്റ് ചെയ്തത് . അക്രമം പ്രോത്സാഹിപ്പിക്കുകയാണോ സർക്കാർ ചെയ്യേണ്ടത്? അക്രമം നടക്കുമ്പോൾ കയ്യും എംകെട്ടി നോക്കി നില്ക്കാൻ പറ്റുമോ? സ്വാഭാവികമായും നിയമ വാഴ്ച ഉറപ്പുവരുത്താനുള്ള നടപടികൾ സ്വീകരിച്ചു. ഇപ്പോഴുള്ള കേസുകൾ ക്രിമിനലുകൾക്ക് എതിരായുള്ള കേസുകളാണ്. വിശ്വാസികൾക്കെതിരായ കേസുകൾ അല്ല. അതിൽ മതമില്ല ..ഇതാണ് വസ്തുത ....നിയമപ്രകാരമുള്ള നടപടികൾ സ്വീകരിച്ചു മുന്നോട്ട് പോകും ..

ആവർത്തിച്ചുറപ്പിച്ച് മുഖ്യൻ. മുഖ്യനെ ശബരിമലയിൽ വീഴിക്കുമെന്ന് വിശ്വാസികൾ . പിണറായിയുടേത് ഇരട്ടചങ്കാണ്. അതത്ര എളുപ്പമല്ലെന്ന് സഖാക്കൾ .
സി പി എമ്മിൽ പരസ്യമായി മറുപക്ഷമില്ല . എൽ ഡി എഫിലും