ശബരിമല യുവതീ പ്രവേശന വിഷയത്തില് ശക്തമായ എതിര്പ്പുമായി മുന്നില് നില്ക്കുന്ന എന്എസ്എസിനെ മെരുക്കാന് തീവ്ര ശ്രമം, എന്എസ്എസിനായി പ്രത്യേക പാക്കേജ് ഒരുക്കി എതിര്പ്പുകള് പരമാവധി കുറയ്ക്കാന് അണിയറ നീക്കം
സര്ക്കാരുമായി ഉടക്കി നില്ക്കുന്ന നായര് സര്വീസ് സൊസൈറ്റിയെ പ്രീണിപ്പിക്കാനുള്ള സര്ക്കാര് ശ്രമം പൂര്ണമായും വിജയിക്കില്ലെങ്കിലും ഒരു പരിധി വരെ ഫലം കാണാന് സാധ്യത.
തിരുവിതാംകൂര്, കൊച്ചി, കൂടല്മാണിക്യം, ഗുരുവായൂര് ക്ഷേത്രങ്ങളില് മുന്നാക്കക്കാരിലെ പിന്നാക്കക്കാര്ക്ക് 10 ശതമാനം സംവരണം നല്കാനാണ് സര്ക്കാര് ചട്ടങ്ങള് രൂപീകരിച്ചത്. സംവരണം നടപ്പിലാക്കാന് ഇനി കാലതാമസമുണ്ടാകില്ല.
നവംബര് 13ന് സുപ്രീം കോടതിയില് നിന്നും അനുകൂല നിലപാട് ഉണ്ടായില്ലെങ്കില് എന് എസ് എസ് ശബരിമല സമരത്തില് നിന്നും പിന്മാറും. നേരത്തെ പിന്മാറേണ്ടെന്നായിരുന്നു തീരുമാനം. ദേവസ്വം ബോര്ഡ് സംബന്ധിച്ച തീരുമാനത്തിന്റെ വെളിച്ചത്തിലായിരിക്കും പുതിയ തീരുമാനം. ശബരിമല വിഷയത്തില് സര്ക്കാര് നിലപാട് ലഘൂകരിക്കാനുളള സാധ്യതയും തള്ളാനാവില്ല.
ദേവസ്വം ബോര്ഡുകളില് മുന്നാക്ക സമുദായങ്ങളിലെ പിന്നാക്കകാര്ക്ക് 10 ശതമാനം സംവരണം നല്കാന് സര്ക്കാര് തീരുമാനിച്ചത് എന്എസ്എസ് ജനറല് സെക്രട്ടറി ജി. സുകുമാരന് നായരുടെ ആവശ്യ പ്രകാരമായിരുന്നു. എന് എസ് എസിന്റെ ദീര്ഘകാലമായുള്ള ആവശ്യമായിരുന്നു ഇത്. കഴിഞ്ഞ യുഡിഎഫ് സര്ക്കാരിന്റെ കാലത്തും ഇതേ ആവശ്യം നായര് സര്വീസ് സൊസൈറ്റി മുന്നോട്ടു വച്ചെങ്കിലും അംഗീകരിച്ചില്ല. ദേവസ്വം ബോര്ഡുകളില് നിലവിലുള്ള 32 % സംവരണത്തിന് പുറമേയുള്ള ആവശ്യം അംഗീകരിക്കാനാവില്ലെന്നാണ് അന്നത്തെ സര്ക്കാര് നിലപാടെടുത്തത് .
എന്നാല് ഇടത് സര്ക്കാര് അധികാരത്തിലെത്തിയപ്പോള് തന്നെ ആവശ്യം പരിഗണിക്കാന് തീരുമാനിച്ചു. തങ്ങള് ജയിച്ചു വന്നതില് ഒരു വലിയ പങ്ക് എന്എസ്എസിനുണ്ടെന്ന തിരിച്ചറി വിനെ തുടര്ന്നായിരുന്നു തീരുമാനം. എന് എസ് എസ് ജനറല് സെക്രട്ടറി ജി. സുകുമാരന് നായര് കോട്ടയം ഗസ്റ്റ് ഹൗസിലെത്തി പിണറായിയെ കണ്ടതും ഇതിന്റെ ഭാഗമായിരുന്നു. ചരിത്രത്തില് ആദ്യമായിട്ടാണ് എന്എസ്എസ് ജനറല് സെക്രട്ടറി പെരുന്നക്ക് പുറത്തെത്തി ഒരു നേതാവിനെ കണ്ടത്. ഇക്കാര്യം വാര്ത്തയായപ്പോള് താന് മുഖ്യമന്ത്രിയെ കണ്ടത് ദേവസ്വം നിയമനങ്ങളില് സംവരണം ആവശ്യപ്പെടാന് വേണ്ടിയാണെന്ന് സുകുമാരന് നായര് പരസ്യമാക്കുകയും ചെയ്തു.
അതിനിടയിലാണ് സുകുമാരന് നായരും സര്ക്കാരും തെറ്റിയത്. ശബരിമല വിഷയമാണ് തെറ്റലിന് കാരണമായതെങ്കിലും ദേവസ്വം നിയമനങ്ങളിലെ ചട്ടങ്ങള് സര്ക്കാര് അംഗീകരിക്കാത്തതും ഒരു കാരണമായിരുന്നു. സംവരണം നല്കാന് മന്ത്രിസഭ നേരത്തെ തീരുമാനിച്ചെങ്കിലും ചട്ടങ്ങള്ക്ക് രൂപം കൊടുത്തിരുന്നില്ല. ദേവസ്വം വകുപ്പ് ചട്ടങ്ങള്ക്ക് നേരത്തെ തന്നെ രൂപം നല്കിയിരുന്നതാണ്. ചട്ടങ്ങള് അംഗീകരിച്ചാല് മാത്രമേ തീരുമാനം നടപ്പിലാക്കാന് കഴിയുകയുള്ളു. ചട്ടങ്ങള് മന്ത്രിസഭ അംഗീകരിക്കാത്തതില് ചില സംശയങ്ങള് എന് എസ് എസ് പ്രകടിപ്പിച്ചിരുന്നു.
ദേവസ്വം ബോര്ഡിലെ നിയമ പരിഷ്ക്കരണത്തില് വെള്ളാപ്പള്ളിയുപ്പെടെ എല്ലാവരും എതിരാണ്. അതെല്ലാം മറി കടന്നാണ് തീരുമാനം. എന് എസ് എസിനെ പിണക്കാന് ഇടത് പക്ഷം ഒരിക്കലും തയ്യാറാവില്ല. കോടിയേരിക്കും പിണറായിക്കും ഇതേ നിലപാട് ആണുള്ളത്.
https://www.facebook.com/Malayalivartha
