സംഭവ ബഹുലമായ ചിത്തിര ആട്ട വിശേഷത്തിന് ശേഷം ശബരിമല നടയടച്ചു; ഒരു യുവതിയും ശബരി മലയില് കയറാന് മുന്നോട്ട് വരാത്തതില് ഭക്തര്ക്കും പോലീസിനും ആശ്വസിക്കാം; ഇനി മണ്ഡല വിളിക്കിന് നട തുറക്കും വരെ കാത്തിരിക്കാം
സംഭവ ബഹുലമായ ചിത്തിര ആട്ട വിശേഷത്തിന് ശേഷം ശബരിമല നടയടച്ചു. എല്ലാം സമാധാനത്തോടെ അവസാനിച്ചതില് കേരളം ആശ്വസിക്കുകയാണ്. സംഭവ ബഹുലമായ ശബരിമല വിശേഷങ്ങള് ഇങ്ങനെ...
ശബരിമല പതിനെട്ടാം പടിയില് താന് ആചാരം ലംഘനം നടത്തിയിട്ടില്ല എന്ന് ആര്.എസ്.എസ് നേതാവ് വത്സന് തില്ലങ്കേരിയും. ആചാര ലംഘനം നടന്നു എന്ന് തന്ത്റിയും. ഇരുമുടിക്കെട്ടില്ലാതെ പതിനെട്ടാം പടി കയറുന്നത് ആചാര ലംഘനം. അങ്ങനെ കയറാന് അവകാശം തന്ത്റിക്കും രാജ കുടുംബത്തിനും മാത്രം എന്നും തന്ത്റി.
അതേസമയം, പതിനെട്ടാം പടിയിലൂടെ തിരിച്ച് ഇറങ്ങിയിട്ടില്ല എന്ന് വത്സന് തില്ലങ്കേരി. ബഹളം കേട്ടാണ് പതിനെട്ടാം പടിയില് എത്തിയത്. പൊലീസിന്റെ മെഗാഫോണിലൂടെ ഭക്തരോട് സംസാരിച്ചത് സമാധാന അന്തരീക്ഷം ഉറപ്പുവരുത്താന് എന്നും, മെഗാഫോണ് തന്നത് ആരെന്ന് അറിയില്ല എന്നും തില്ലങ്കേരിയുടെ വിശദീകരണം.
സന്നിധാനത്ത് ആയിരുന്ന തില്ലങ്കേരി പതിനെട്ടാം പടി വഴി തിരികെ ഇറങ്ങിയെന്ന് ആയിരുന്നു ആക്ഷേപം. ആചാര ലംഘനം നടന്നിട്ടുണ്ട് എന്നു തെളിഞ്ഞാല് അയ്യപ്പന്റെ പേരില് താന് മാപ്പു പറയാന് തയ്യാറെന്നും വത്സന് തില്ലങ്കേരി. അതേസമയം, ആര്.എസ്.എസ് നേതാവ് നടത്തിയതായി പറയപ്പെടുന്ന ആചാര ലംഘനത്തെ കുറിച്ച് അറിയില്ലെന്ന് ബി.ജെ.പി സംസ്ഥാന അദ്ധ്യക്ഷന് പി.എസ്. ശ്രീധരന് പിള്ള
ബി.ജെ.പി അദ്ധ്യക്ഷന് പി.എസ് ശ്രീധരന് പിള്ളയെ ഫോണില് വിളിച്ച സംഭവത്തില് തന്ത്റി കണ്ഠരര് രാജീവരോട് വിശദീകരണം തേടി ദേവസ്വംബോര്ഡ്. മറുപടി ലഭിച്ച ശേഷം തുടര്നടപടി സ്വീകരിക്കും എന്ന് ബോര്ഡ് അംഗം കെ.പി ശങ്കര്ദാസ്. തുലാമാസ പൂജയ്ക്ക് നട തുറന്ന സമയത്ത് യുവതീ പ്രവേശനത്തിന് എതിരെ നടത്തിയ പരികര്മ്മികളുടെ അടക്കം പ്രതിഷേധത്തില് രാഷ്ട്രീയം ഉണ്ടോ എന്ന് സംശയിക്കുന്നതായും പ്രതികരണം
ശ്രീധരന് പിള്ളയുടെ വിവാദ വെളിപ്പെടുത്തലില് തന്ത്റി കുടുംബത്തിനും അതൃപ്തി ഉള്ളതായി സൂചന. സ്ത്രീ പ്രവേശനത്തിന് എതിരെ ഒറ്റക്കെട്ടായി നിന്ന് പ്രതിരോധം ഉയര്ത്തുന്നവരെ പ്രതിക്കൂട്ടില് ആക്കുന്ന വിധത്തില് ആയിപ്പോയി ശ്രീധരന് പിള്ളയുടെ പ്രതികരണം എന്ന് തന്ത്റി കുടുംബം. ബി.ജെ.പി അദ്ധ്യക്ഷന്റെ വെളിപ്പെടുത്തലില് തന്ത്റി കണ്ഠരര് രാജീവരും അതൃപ്തി പ്രകടിപ്പിച്ചിരുന്നു
അതേസമയം, സമരമുഖത്ത് നില്ക്കുമ്ബോള് ഇത്തരം പ്രസ്താവനകള് നടത്തി പ്രതിക്കൂട്ടില് ആകുന്ന നടപടികള് അവസാനിപ്പിക്കാന് കേരളത്തിലെ ബി.ജെ.പി നേതാക്കള്ക്ക് നിര്ദ്ദേശം നല്കി കേന്ദ്രനേതൃത്വം. ശ്രീധരന് പിള്ളയുടെ പരസ്യമായ അവകാശവാദം ഒഴിവാക്കാം ആയിരുന്നു. എന്നാല് യുവതീ പ്രവേശനവുമായി ബന്ധപ്പെട്ട് നടത്തുന്ന സമരങ്ങള്ക്ക് പൂര്ണ്ണ പിന്തുണ ആണ് കേന്ദ്ര നേതൃത്വം നല്കുന്നത്
https://www.facebook.com/Malayalivartha
