വോട്ട് പിടിക്കാന് വീണാ ജോര്ജിന്റെ ചിത്രത്തിനൊപ്പം ബൈബിളും കുരിശും സഹിതമുള്ള ചിത്രങ്ങള് സോഷ്യല് മീഡിയയില് പ്രചരിപ്പിച്ചു ; കെ.എം. ഷാജിക്ക് പിന്നാലെ വീണ ജോര്ജ് എം.എല്.എ.ക്കും കുരുക്ക്
അഴീക്കോട് മണ്ഡലത്തിലെ നിയമസഭാ തെരഞ്ഞെടുപ്പില് വര്ഗീയ പ്രചാരണം നടത്തിയാണ് മുസ്ലിം ലീഗ് സ്ഥാനാര്ത്ഥി കെ.എം.ഷാജി വിജയിച്ചതെന്ന വാർത്തയ്ക്ക് പിന്നാലെ സമാനമായ കുരുക്കില് പെട്ടിരിക്കുകയാണ് വീണ ജോര്ജ് എം.എല്.എ. വര്ഗീയ പ്രചാരണം നടത്തിയെന്നും വീണയുടെ തെരഞ്ഞെടുപ്പ് റദ്ദാക്കണമെന്നും ആവശ്യപ്പെട്ട് എതിര്സ്ഥാനാര്ത്ഥിയായ കെ.ശിവദാസന് നായരുടെ ചീഫ് ഇലക്ഷന് ഏജന്റ് അഡ്വ.വി.ആര്.സോജി കോടതിയെ സമീപിച്ചു.
വോട്ട് പിടിക്കാന് മതവും മതചിഹ്നങ്ങളും വീണാ ജോര്ജ് ഉപയോഗിച്ചതായി പരാതിയില് പറയുന്നു. വീണാ ജോര്ജിന്റെ ചിത്രത്തിനൊപ്പം ബൈബിളും കുരിശും സഹിതമുള്ള ചിത്രങ്ങള് സോഷ്യല് മീഡിയയില് പ്രചരിപ്പിച്ചതായും ലഘുലേഖയിലും സമാനമായ ചിത്രം ഉള്പ്പെടുത്തി വീണാ ജോര്ജ് വോട്ടു തേടിയെന്നും ആരോപണമുണ്ട്.
ഷാജിയെ അയോഗ്യനാക്കിയ വിധിക്ക് ഹൈക്കോടതി താത്കാലിക സ്റ്റേ അനുവദിച്ചെങ്കിലും കേസിലെ വ്യവഹാരങ്ങള് ഇനിയും നീളും.
https://www.facebook.com/Malayalivartha
