ശബരിമലയില് വീണ്ടും കൂട്ട ശരണംവിളി; ശരണം വിളിച്ച 20 ഓളം ഭക്തരെ പോലീസ് അനുനയിപ്പിച്ച് വൃത്തിഹിനമായ സ്ഥലത്ത് കൊണ്ടുപോയി നിര്ത്തി; ഈ വൃത്തികെട്ട സ്ഥലത്ത് ശരണം വിളിക്കില്ലെന്ന് ഭക്തര്
ഇന്നലത്തെ ശരണം വിളിയും കൂട്ട അറസ്റ്റ് ഓര്മ്മിപ്പിക്കുന്ന സംഭവം ഇന്നും സന്നിധാനത്ത് നടന്നത്. 20 ഓളം ഭക്തര് ശരണം വിളിച്ചതോടെ എസ്പിയുടെ നേതൃത്വത്തിലുള്ള സംഘം ഓടിയെത്തി ശരണം വിളിക്കാനുള്ള സ്ഥലം കാട്ടിത്തരാമെന്ന് പറഞ്ഞ് മാളിക പുറത്തിന് സമീപം കൊണ്ടുപോയി. അവിടെയാകട്ടെ വൃത്തിഹീനമായ സ്ഥലവും അതിനാല് തന്നെ ശരണം വിളിക്കുന്നില്ലെന്ന് ഭക്തര് പറഞ്ഞു. പിന്നീട് പോലീസ് പോകുകയും ഭക്തര് അവിടെ നില്ക്കുകയും ചെയ്തതോടെ സമാധാനമായി.
അതേസമയം സംസ്ഥാന മനുഷ്യാവകാശ കമ്മീഷന് ചൊവ്വാഴ്ച പമ്ബയും നിലയ്ക്കലും സന്ദര്ശിക്കും. പമ്ബയിലും പരിസരപ്രദേശങ്ങളിലും ഭക്തജനങ്ങള്ക്കായി ഒരുക്കിയിരിക്കുന്ന സൗകര്യങ്ങള് പരിശോധിക്കുന്നതിനാണ് സന്ദര്ശനം.
രാവിലെ ഒന്പതരക്ക് പമ്ബ ഗസ്റ്റ് ഹൗസിലെത്തുന്ന കമ്മീഷന് അധ്യക്ഷന് ജസ്റ്റീസ് ആന്റണി ഡൊമിനിക്കും അംഗങ്ങളായ കെ. മോഹന്കുമാറും പി. മോഹനദാസും പമ്ബയിലും പരിസരപ്രദേശങ്ങളിലും ഭക്തജനങ്ങള്ക്കായി ഒരുക്കിയിരിക്കുന്ന സൗകര്യങ്ങള് പരിശോധിക്കും.
നിലയ്ക്കലിലും കമ്മീഷന് സന്ദര്ശനം നടത്തും. ശബരിമലയില് ഭക്തര്ക്ക് അടിസ്ഥാന സൗകര്യങ്ങള് നിഷേധിച്ച് മനുഷ്യാവകാശ ലംഘനം ലംഘനം നടത്തുകയാണെന്ന പരാതിയുടെ അടിസ്ഥാനത്തിലാണ് സന്ദര്ശനം.
https://www.facebook.com/Malayalivartha
