ഭാര്യയുടെ ജോലിപോയി... പൂജാരിമാരുടെ വസ്ത്രധാരണത്തെക്കുറിച്ച് പറഞ്ഞത് പിന്വലിച്ച് മന്ത്രി ജി. സുധാകരന്
അയ്യപ്പകോപം എന്ന് പറഞ്ഞ് കേട്ടിട്ടേയുള്ളൂ. എന്നാല് മന്ത്രി ജി സുധാരകന് കണ്മുമ്പില് തന്നെ അയ്യപ്പന് കാണിച്ചു കൊടുത്തു. ശബരിമലയേയും തന്ത്രിമാരേയും പൂജാരിമാരേയും അധിഷേപിക്കുന്ന തരത്തില് പ്രസ്താവന നടത്തിയ ജി. സുധാകരന് ശരിക്കും പണികിട്ടി. വിവാദം കൊഴുക്കുന്നതിനിടെ സുധാകരന്റെ ഭാര്യയുടെ ജോലി പോയിരുന്നു. അത് അയ്യപ്പ കോപമാണെന്നാണ് മാതൃഭൂമിയിലെ കാര്ട്ടൂണില് പറഞ്ഞത്.
സുധാകരന്റെ പ്രസ്താവന വളരെ വിവാദമായിരുന്നു. അവസാനം തന്ത്രിമാരുടെയും പൂജാരിമാരുടെയും വസ്ത്രധാരണത്തെക്കുറിച്ച് പറഞ്ഞത് പിന്വലിക്കുന്നതായി മന്ത്രി ജി. സുധാകരന്. വസ്ത്രധാരണത്തെ സംബന്ധിച്ച് നടത്തിയ പ്രസ്താവനയിലെ ചില പ്രയോഗങ്ങള് അവര്ക്ക് വിഷമമുണ്ടാക്കിയതായാണ് മനസ്സിലാക്കുന്നതെന്ന് അദ്ദേഹം പറഞ്ഞു.
ശബരിമലയില് ഭക്തരെയല്ല, ബഹളമുണ്ടാക്കുന്നവരെയാണ് പോലീസ് അറസ്റ്റ് ചെയ്തത്. കലാപമുണ്ടാക്കാന് എത്തുന്നവരെ പോലീസ് കൊണ്ടുപോകുന്നത് സ്വാഭാവികമാണ്. ഇരുമുടിക്കെട്ട് തലയില്വെച്ച് പോലീസിനെ ആക്രമിക്കുന്നവര് ഭക്തരാകില്ല. സന്നിധാനത്ത് പട്ടിക തയ്യാറാക്കി ആളെ എത്തിക്കുന്നത് ബി.ജെ.പി.യുടെ പാപ്പരത്തമാണ്. ജി സുധാകരന് പറഞ്ഞു.
ഭക്തര്ക്കുവേണ്ടിയാണ് കോടികള് മുടക്കി സര്ക്കാര് സൗകര്യങ്ങളേര്പ്പെടുത്തുന്നത്. രാഷ്ട്രീയക്കാര്ക്ക് സന്നിധാനത്ത് കാര്യമില്ല. ഇവര് ഭക്തരായി പോകുന്നതില് തെറ്റില്ല. രാഷ്ട്രീയാടിസ്ഥാനത്തില് പോയാല് അംഗീകരിക്കാനാവില്ല. അക്രമികള്ക്ക് പിന്തുണയുമായി കേന്ദ്ര നേതാക്കള് എത്തുമെന്ന് കരുതുന്നില്ലെന്നും മന്ത്രി പറഞ്ഞു.
https://www.facebook.com/Malayalivartha
