നിട്ടൂരില്‍ ബി ജെ പി പ്രവര്‍ത്തകന്റെ വീടിന് നേരെ ബോംബേറ്. ബി ജെ പി പ്രവര്‍ത്തകന്‍ ഏരത്ത് സുധീഷിന്റെ വീടിന് നേരെയാണ് ഇന്ന് പുലര്‍ച്ചെ ബോംബേറുണ്ടായത്. മുന്‍ ഭാഗത്തെ ജനല്‍ ഗ്ലാസ് തകരുകയും ചുമരിന് കേടു പാട് പറ്റുകയും ചെയ്തു. കുറ്റ്യാടി നെട്ടൂരിലുള്ള സുധീഷിന്റെ വീടിനു നേരെയാണ് ആക്രമണുണ്ടായത്. ഇന്ന് പുലര്‍ച്ചെ 12.30 നാണ് സംഭവമുണ്ടായത്.

സി പി എം കോഴിക്കോട് ജില്ലാ സെക്രട്ടറി പി മോഹനന്റേയും മുന്‍ എം.എല്‍എ കെ കെ ലതികയുടേയും മകന്‍ ജൂലിയസ് നികിതാസ്, മരുമകളും മാധ്യമ പ്രവര്‍ത്തകയുമായ സാനിയോമനോമിയേയും കാര്‍ തടഞ്ഞ് നിര്‍ത്തി ആക്രമിച്ച കേസില്‍ റിമാന്റില്‍ കഴിയുന്നയാളാണ് സുധീഷ്. ശനിയാഴ്ച രാവിലെ 11നാണ് പി.മോഹനന്റെ മകന്‍ ജൂലിയസ് നികിതാസ്, ഭാര്യ ഏഷ്യാനെറ്റ് ന്യൂസ് റിപ്പോര്‍ട്ടര്‍ സാനിയോ മനോമിയെയും ഹര്‍ത്താലിന്റെ മറവില്‍ ആസുത്രിതമായി ആക്രമിച്ചത്. ഇവരെ മെഡിക്കല്‍ കോളേജ് ആശുപത്രിയിലേക്ക് മാറ്റുന്നതിനിടെ വീണ്ടും ആക്രമണമുണ്ടായിരുന്നു. ഇരുവരെയും ആക്രമണത്തെ തുടര്‍ന്ന് നേരത്തെ കുറ്റ്യാടി ഗവണ്‍മെന്റ് ആശുപത്രിയില്‍ പ്രവേശിപ്പിച്ചിരുന്നു. സാരമായി പരിക്കേറ്റ ഇരുവരെയും ഇവിടെ നിന്നും കോഴിക്കോട് മെഡിക്കല്‍ കോളേജിലേക്ക് മാറ്റുന്നതിനിടെയാണ് രണ്ടാമത്തെ ആക്രമണമുണ്ടായത്. പൊലീസ് അകമ്പടിയോടെ ഇരുവരും കോഴിക്കോട് മെഡിക്കല്‍ കോളേജിലേക്ക് കൊണ്ടു പോയത്. ഇതിനിടെ നടുവണ്ണൂരില്‍വെച്ചായിരുന്നു ആക്രമണമുണ്ടായത്.