വി. മുരളീധരന്റെ കുത്തിയിരുപ്പും ഡിജിപിയെ വിളിച്ചതും ഫലം കാണുന്നു; ഭക്തര്ക്കായി നടപ്പന്തല് പോലീസ് തുറന്നു കൊടുത്തു; ഭക്തര് മഴയത്ത് നില്ക്കുന്ന അവസ്ഥയ്ക്ക് മാറ്റം വന്നു തുടങ്ങി; കസ്റ്റഡിയിലെടുത്ത 9 പേരേയും വിട്ടയയ്ക്കുമെന്ന് പോലീസിന്റെ ഉറപ്പ്
കഴിഞ്ഞ രണ്ട് ദിവസമായി തുടരുന്ന നാമജപ പ്രതിഷേധം ഇന്നും തുടര്ന്നു. ബിജെപി നേതാവും എംപിയുമായ വി. മുരളീധരന്റെ കുത്തിയിരുപ്പും ഡിജിപിയെ വിളിച്ചതും ഫലം കാണുന്നു. പോലീസ് തമ്പടിച്ചിരുന്ന നടപ്പന്തല് ഭക്തര്ക്കായി പോലീസ് തുറന്നു കൊടുത്തു. ഭക്തര് മഴയത്ത് നില്ക്കുന്ന അവസ്ഥയ്ക്ക് ഇതോടെ മാറ്റം വന്നു തുടങ്ങി. സന്നിധാനത്ത് 6 മണിക്കൂര് കഴിഞ്ഞുവെന്ന പേരില് കസ്റ്റഡിയിലെടുത്ത 9 പേരേയും വിട്ടയയ്ക്കുമെന്ന് പോലീസിന്റെ ഉറപ്പ്. ഇതിന്റെയടിസ്ഥാനത്തില് അവരെ പത്തനംതിട്ടയില് ഇറക്കി വിടുമെന്നും അറിയിച്ചു.
ശബരിമല സന്നിധാനത്ത് നിന്ന് ഒമ്പത് അയ്യപ്പഭക്തരെ പൊലീസ് കസ്റ്റഡിയില് എടുത്തതിനെതിരെ സന്നിധാനം പൊലീസ് സ്റ്റേഷന് മുന്നില് ബി.ജെ.പി നേരത്തെ പ്രതിഷേധം നടത്തിയിരുന്നു. ബി.ജെ.പിയുടെ എം.പിമാരായ വി.മുരളീധരന്, നളിന്കുമാര് കട്ടീല്, എന്നിവരുടെ നേതൃത്വത്തിലാണ് പ്രവര്ത്തകര് പൊലീസ് സ്റ്റേഷന് മുന്നില് പ്രതിഷേധിക്കുന്നത്. കൊല്ലം പരവൂര് സ്വദേശികളായ 9 പേരെയാണ് പൊലീസ് സന്നിധാനത്ത് നിന്ന് കസ്റ്റഡിയില് എടുത്തത്. ബി.ജെ.പിയുടെ സര്ക്കുലര് പ്രകാരം ശബരിമലയില് എത്തിയവരാണ് ഇവര് എന്നാരോപിച്ചാണ് പൊലീസ് ഇവരെ കസ്റ്റഡിയില് എടുത്തിരിക്കുന്നത്.
ദര്ശനം നടത്താനെത്തിയ ഭക്തരെ പൊലീസ് കസ്റ്റഡിയില് എടുത്തതിനെതിരെയാണ് മുരളീധരന് സന്നിധാനം സ്റ്റേഷനു മുന്നില് പ്രതിഷേധം നടത്തുന്നത്. ഇവരെ ആരുപറഞ്ഞിട്ടാണ് കസ്റ്റഡിയില് എടുത്തതെന്നും ഇവര്ക്ക് ദര്ശനം നടത്താന് കഴിയാത്ത എന്തുസാഹചര്യമാണ് ഉള്ളതെന്നും വി.മുരളീധരന് എം.പി ചോദിച്ചു.കസ്റ്റഡിയില് എടുത്തവരെ പൊലീസ് പമ്ബ സ്റ്റേഷനിലേക്ക് കൊണ്ടുപോകും.
https://www.facebook.com/Malayalivartha