മലാക്കയില് വീടിന് തീപിടിച്ച് വെന്ത് മരിച്ച രണ്ട് കുട്ടികള്ക്ക് കണ്ണീരില് കുതിര്ന്ന അന്ത്യാഞ്ജലി
മലാക്കയില് വീടിന് തീപിടിച്ച് വെന്ത് മരിച്ച രണ്ട് കുട്ടികള്ക്ക് കണ്ണീരില് കുതിര്ന്ന അന്ത്യാഞ്ജലി. തലനാരിഴക്ക് രക്ഷപ്പെട്ട ചേച്ചി സെലസ്നിയ (12) തന്റെ കുഞ്ഞു സഹോദരങ്ങളുടെ മൃതദേഹങ്ങള് മച്ചാട് പള്ളിയില് പൊതുദര്ശനത്തിനു വെച്ചപ്പോള് ഒരു നോക്ക് കാണാനെത്തിയത് നാടിനെ കണ്ണീരിലാഴ്ത്തി. മൃതദേഹങ്ങള് തിരിച്ചറിയാന് കഴിയാത്ത അവസ്ഥയിലായിരുന്നു. വടക്കാഞ്ചേരി പൊലീസ് ഇന്ക്വസ്റ്റ് പൂര്ത്തിയാക്കിയ മൃതദേഹങ്ങള് ഗവ. മെഡിക്കല് കോളജ് ആശുപത്രിയില് പോസ്റ്റുമോര്ട്ടത്തിനു ശേഷമാണ് ബന്ധുക്കള്ക്ക് വിട്ടുകൊടുത്തത്. കുഞ്ഞുങ്ങളുടെ വേര്പാട് ഒരു നാടിനെ മുഴുവന് കണ്ണീരിലാഴ്ത്തി.
പാചക വാതക സിലിണ്ടറില് നിന്ന് കാറിലേക്ക് ഗ്യാസ് നിറയ്ക്കുന്നതിനിടെ ഉണ്ടായ ചോര്ച്ചയാണ് തെക്കുംകര മലാക്കയില് രണ്ട് പിഞ്ചു കുഞ്ഞുങ്ങളുടെ ജീവനെടുത്ത സ്ഫോടനത്തിനും തീപിടിത്തത്തിനും കാരണമെന്ന് പൊലീസ് കണ്ടെത്തി . മുറ്റത്തിരുന്ന സിലിണ്ടറില് നിന്ന് ഗ്യാസ് മുറിയിലേക്ക് പരന്ന് തീപിടിക്കുകയായിരുന്നു. നല്ല വേഗതയില് ഫാന് കറങ്ങുന്നതിനിടെയുണ്ടായ ചൂടിലോ മറ്റോ ഗ്യാസിന് തീപിടിച്ചതാകാമെന്നാണ് അനുമാനം. സിലിണ്ടറിനോ കാറിനോ തീപിടിച്ചിരുന്നില്ല.
വ്യാഴാഴ്ച അത്താഴം കഴിച്ച് ഉറങ്ങാന് കിടന്ന ഡാന്ഫലിസി (10)നെയും രണ്ട് വയസ്സുള്ള സെലസ്മിയെയുമാണ് അഗ്നി വിഴുങ്ങിയത്. വ്യാഴാഴ്ച രാത്രിയിലാണ് തെക്കുംകര പഞ്ചായത്തിലെ മലാക്ക കാര്യാട് റോഡിനു സമീപം താമസിക്കുന്ന ആച്ചക്കോട്ടില് വീട്ടില് ഡാന്േറാസ് ജോ ബിന്ദു ദമ്പതികളുടെ മക്കളായ ഇവര് അഗ്നിബാധയിലും പൊട്ടിത്തെറിയിലും പെട്ടത്. നിസ്സാര പൊള്ളലേറ്റ് ചികിത്സയിലായിരുന്ന മൂത്ത മകള് സെലസ്നിയ വെള്ളിയാഴ്ച്ച ആശുപത്രി വിട്ടു.
രാത്രി 9. 45 ഓടെ വീട്ടിനുള്ളില് നിന്ന് വലിയ ശബ്ദം കേട്ടതായി അയല്വാസികള് പറയുന്നു. ഉടന് തീഗോളം ഉയര്ന്നു. ഒപ്പം കൂട്ടനിലവിളികളും. ആദ്യ ഓടിയെത്തിയവര് കുഞ്ഞുങ്ങളെ രക്ഷിക്കാന് നെട്ടോട്ടമോടുന്ന ഡാന്ോസിനെയും ബിന്ദുവിനെയുമാണ് കണ്ടത്.
എന്നാല് ആര്ക്കും ഒന്നും ചെയ്യാന് കഴിയാത്ത വിധം തീ പടര്ന്ന് പിടിച്ചിരുന്നു. വീട് തീയില് അമര്ന്നിരുന്നു. അകത്തേക്ക് കടക്കാന് സാധിക്കാത്ത വിധം പുകയും, ചൂടും. ഇതിനിടയിലും വീടിന് പുറത്തായിരുന്ന ഡാന്േറാസ് വീട്ടിനുള്ളിലേക്ക്കുതിച്ചെത്തി. പൊള്ളലേറ്റ് തളര്ന്ന് വീഴുകയായിരുന്നു ഈ പിതാവ്. ഇതോടെ ഡാന്േറാസിനേയും ബിന്ദുവിനേയും പുറത്തേക്കെത്തിച്ച നാട്ടുകാര്, സെലസ്നിയയേയും, ആശുപത്രിയില് എത്തിച്ചു.
ഗുരുതമായി പരിക്കേറ്റ മാതാപിതാക്കളെ വിദഗ്ധ ചികിത്സക്കായി എറണാകുളം മെഡിക്കല് സന്റെര് ആശുപത്രിയിലേക്ക് മാറ്റി. അഗ്നി ശമനസേന സ്ഥലത്തെത്തുമ്പോഴേക്കും എല്ലാം കത്തി അമര്ന്നിരുന്നു.
https://www.facebook.com/Malayalivartha
