ജഗതിയുടെ ശരീരത്തിൽ ഒന്ന് തൊട്ടാൽ മതി, ആ നാഡീ ഞരമ്പുകളിലോടൊന്ന് വിരലോടിച്ചാൽ മതി! അദ്ദേഹത്തെ പഴയ ജഗതിയാക്കി തരാം: ഇത് മാധവൻ വൈദ്യരുടെ ഉറപ്പാ...
നടൻ ജഗതി ശ്രീകുമാറിന്റെ ഇപ്പോഴത്തെ അവസ്ഥ താൻ മാറ്റുമെന്നും, 'ആ മനുഷ്യന്റെ അവസ്ഥയ്ക്ക് പരിഹാരമുണ്ടാക്കാൻ എന്റെ അടുത്ത് ഒന്ന് എത്തിച്ചാൽ മതിയെന്നും പ്രമുഖ മാധ്യമത്തിന് നൽകിയ അഭിമുഖത്തിൽ വ്യക്തമാക്കി കാസർഗോട്ടുകാരനായ പാരമ്പര്യ വൈദ്യൻ മാധവൻ വൈദ്യർ.
'അദ്ദേഹത്തിന്റെ ശരീരത്തിലൊന്നു തൊട്ടാൽ മതി...ആ നാഡീ ഞരമ്പുകളിലോടൊന്ന് വിരലോടിച്ചാൽ മതി, ധാരാളം. ആ മനുഷ്യന്റെ ദീനത്തിന് ഞാൻ പ്രതിവിധി പറയാം. ജഗതി ശ്രീകുമാർ പഴയ പോലെ എഴുന്നേറ്റ് നടക്കും, സംസാരിക്കും. ഇത് എന്റെ ഉറപ്പ്'- മാധവൻ വൈദ്യർ തികഞ്ഞ ആത്മവിശ്വാസത്തിലാണ്.
കാസർകോട് പരപ്പയിലെ ബാനം ഗ്രാമത്തിലാണ് മാധവൻ വൈദ്യർ താമസിക്കുന്നത്. കാസർകോട്ടുകാരുടെ സ്വന്തം വൈദ്യർ. ശരീരം പാതി തളർന്നു പോയവർക്കും, വൃക്കയും കരളും പണിമുടക്കിയവർക്കും എത്രയോ തവണ പുതു ജീവൻ നൽകിയിരിക്കുന്നു വൈദ്യർ.
'ദൈവത്തിന്റെ കരുണയും കടാക്ഷവും നിലനിർത്തിക്കൊണ്ട് പറയട്ടേ, ജഗതിയുടെ ഇന്നത്തെ അവസ്ഥയ്ക്ക് എന്റെ പക്കൽ പരിഹാരമുണ്ട്. എന്റെയടുത്ത് ഒന്ന് എത്തിച്ചാൽ മാത്രം മതി. എന്നാലാവുന്ന ചികിത്സ ഞാൻ ചെയ്യും. ആ ശരീരത്തിൽ ഒന്ന് തൊട്ടാൽ മതി എനിക്ക് കാര്യം തിരിയും. അവസ്ഥ മനസിലാകും. അത് ആയൂർവേദത്തിനു മാത്രം മനസിലാകുന്ന സിദ്ധിയാണ്. ഏഴ് തലമുറയായി ഞങ്ങൾ പാരമ്പര്യ വൈദ്യം സിദ്ധിച്ചു പോരുന്നു. അലോപ്പതി ചികിത്സയെ തള്ളിപ്പറഞ്ഞു കൊണ്ടല്ല ഞാനിതൊക്കെ ചെയ്യുന്നത്.
അവർ വൈദ്യശാസ്ത്രത്തിൽ വിശ്വസിക്കുന്നു. ഞാൻ ആയുർവേദത്തിന്റെ കരുത്തിൽ വിശ്വസിക്കുന്നു അത്രയേ ഉള്ളൂ വ്യത്യാസം. പിന്നെ മറ്റൊരു കാര്യം ചികിത്സാർത്ഥം ജഗതി ശ്രീകുമാറിന്റെ കുടുംബം ഞാനുമായി ബന്ധപ്പെട്ടു എന്ന തരത്തിലുള്ള വാർത്തകൾക്ക് അടിസ്ഥാനമില്ല. പലരും എന്നോട് ജഗതിയുടെ രോഗാവസ്ഥ ധരിപ്പിച്ചു, എന്റെയടുക്കൽ പ്രതിവിധിയുണ്ടോ എന്ന് ആരാഞ്ഞു. അപ്പോഴാണ് ഞാൻ ഇക്കാര്യം അറിയിച്ചത്. ഞാൻ ആവർത്തിക്കട്ടെ, ആ മനുഷ്യന്റെ അവസ്ഥയ്ക്ക് പരിഹാരമുണ്ട്'- മാധവൻ വൈദ്യരുടെ വാക്കുകളിൽ ആത്മവിശ്വാസം നിറഞ്ഞിരുന്നു.
https://www.facebook.com/Malayalivartha