വനിതാമതിലിൽ നിന്ന് പിന്മാറിയ മഞ്ജു വാര്യരുടെ നിലപാടിനെതിരെ വി ശിവൻകുട്ടി
മഞ്ജു വാര്യരുടെ പിന്മാറ്റം സർക്കാരിന് നാണക്കേടുണ്ടാക്കിയിരിക്കയാണ് .അതുകൊണ്ടു തന്നെ ഇടയ്ക്കിടെ നിറം മാറുന്ന സ്വഭാവത്തിനെതിരെ പാർട്ടിയിലും പുറത്തുമുള്ളവർ അഖേപങ്ങളുമായി രംഗത്തെത്തി
നവോത്ഥാന മൂല്യങ്ങളെ ഉയർപ്പിടിക്കുക എന്ന മുദ്രാവാക്യവുമായി സംസ്ഥാന സർക്കാർ സംഘടിപ്പിക്കുന്ന വനിതാ മതിലിന് നടി മഞ്ജു വാര്യർ ആദ്യം പിന്തുണ അറിയിച്ചെങ്കിലും പിന്നീട് പിൻവലിക്കുകയായിരുന്നു. വനിതാ മതിലിന്റെ രാഷ്ട്രീയ നിറം ചൂണ്ടിക്കാട്ടിയുള്ള പിന്മാറ്റത്തിനെതിരെ വി ശിവൻകുട്ടി തന്റെ ഫേസ്ബുക് പോസ്റ്റിലൂടെ ഇങ്ങനെ പ്രതികരിച്ചു
പ്രിയപ്പെട്ട മഞ്ജു വാര്യർ...
താങ്കൾ വനിതാ മതിലിൽ പങ്കെടുക്കുന്നു എന്ന് പറഞ്ഞപ്പോൾ സന്തോഷം തോന്നി എന്നതു സത്യം. താങ്കൾ പങ്കെടുക്കുന്നില്ല എന്നു പറഞ്ഞപ്പോൾ അശേഷം ദുഃഖം തോന്നിയില്ല.
വനിതാ മതിലിൽ താങ്കൾ പങ്കെടുത്തിരുന്നെങ്കിൽ അതിലൂടെ താങ്കളുടെ പ്രസക്തി ഒന്നു കൂടെ വർദ്ധിക്കുമായിരുന്നു. അല്ലാതെ വനിതാ മതിലിന്റെ വിജയത്തിന് താങ്കളുടെ സാന്നിദ്ധ്യം ഒരു ഘടകമേ അല്ല. അതിന്റെ ആവശ്യമുമില്ല. വനിതാ മതിലിൽ പങ്കെടുക്കാത്ത വനിതകളിൽ ഒരാളായി താങ്കളും ഉണ്ടാകും.... അത്ര മാത്രം
വനിതാ മതിലിന് പിന്തുണ പ്രഖ്യാപിച്ചുകൊണ്ട് മഞ്ജുവിന്റെ ഫേസ്ബുക്ക് പേജിൽ പ്രത്യക്ഷപ്പെട്ട വീഡിയോയയിലെ വാചകങ്ങൾ ഇങ്ങനെയായിരുന്നു.
നവോത്ഥാന മൂല്യങ്ങൾ സംരക്ഷിക്കണം, സ്ത്രീ പുരുഷ സമത്വം അനിവാര്യം, മുന്നോട്ട് പോകട്ടെ കേരളം, ഞാൻ വനിതാ മതിലിനൊപ്പം ഇതായിരുന്നു.
എന്നാൽ വൈകിട്ടോടെ തന്റെ പിന്തുണ പിൻവലിച്ച് മഞ്ജു ഫേസ്ബുക്കിൽ കുറിപ്പിടുകയായിരുന്നു. സ്ത്രീകൾക്ക് വേണ്ടിയുള്ള സർക്കാർ ദൗത്യം എന്ന ധാരണയിലാണ് വനിതാ മതിലിന് പിന്തുണ പ്രഖ്യാപിച്ചത്. എന്നാൽ ഇതിനോടകം പരിപാടിക്ക് ഒരു രാഷ്ട്രീയം നിറം വന്നു ചേർന്നത് അറിഞ്ഞിരുന്നില്ല. അതുകൊണ്ട് തന്നെ വനിതാ മതിലിൽ നിന്നും അകന്ന് നിൽക്കാനാണ് താൻ ആഗ്രഹിക്കുന്നതെന്ന് മഞ്ജു വാര്യർ വ്യക്തമാക്കി
വനിതാ മതിലിനുള്ള പിന്തുണ പിൻവലിച്ച മഞ്ജു വാര്യരുടെ നടപടിയെ വിമർശിക്കുന്നവർ ഏറെയാണ് . ആദ്യം പിന്തുണ മഞ്ജു വാര്യര് പിന്നീട് നിലപാട് മാറ്റിയതിന് പിന്നില് ദേശീയതലത്തില് വാഗ്ദാനം ചെയ്യപ്പെടുന്ന ആദരവുകളും അംഗീകാരങ്ങളും അതിന്റെ ആരവങ്ങളുമാണെന്ന് ഫേസ്ബുക്ക് കുറിപ്പിലൂടെ സിന്ധു ജോയി ഉൾപ്പടെ ധാരാളം പേര് പ്രതികരിച്ചിരുന്നു
അതേസമയം മഞ്ജു വാര്യരുടെ പിന്മാറ്റം പ്രതിപക്ഷം സർക്കാരിനെതിരെയുള്ള ആയുധമാക്കിയിരിക്കുകയാണ്. വനിതാ മതിൽ വർഗീയ മതിലാണെന്ന് ബോധ്യമായതിനാലാണ് നടി പിന്മാറിയതെന്ന് പ്രതിപക്ഷ നേതാവ് രമേശ് ചെന്നിത്തല പ്രതികരിച്ചു. പഞ്ചസാരയിൽ പൊതിഞ്ഞ പാഷാണമാണ് വനിതാ മതിലെന്നാണ് രമേശ് ചെന്നിത്തല വനിതാ മതിലിനെ വിശേഷിപ്പിക്കുന്നത്. മതേതര വാദികളായ ആരും വനിതാ മതിലിൽ പങ്കെടുക്കില്ലയെന്നും ചെന്നിത്തല കൂട്ടിച്ചേർക്കുന്നു.
വനിതാ മതിലിന്റെ രാഷ്ട്രീയ നിറം ചൂണ്ടിക്കാട്ടിയുള്ള പിന്മാറ്റം സർക്കാരിന് ക്ഷീണമുണ്ടാക്കിയിട്ടുണ്ട് എന്നുള്ളത് യാഥാർഥ്യമാണ്
https://www.facebook.com/Malayalivartha