സാമൂഹികാരോഗ്യകേന്ദ്രങ്ങളുടെ ഒ.പി സമയം വൈകുന്നേരം ആറുമണിവരെ നീട്ടി, തീരുമാനത്തിനെതിരെ കെജിഎംഒഎ രംഗത്ത്
സാമൂഹികാരോഗ്യകേന്ദ്രങ്ങളുടെ (സി.എച്ച്.സി) ഒ.പി സമയം രാവിലെ ഒമ്പതു മുതല് വൈകിട്ട് ആറുവരെയാക്കി . നാലില് കൂടുതല് ഡോക്ടര്മാരുള്ള സി.എച്ച്.സികളുടെ സമയമാണ് രാവിലെ ഒമ്പത് മുതല് വൈകീട്ട് ആറുവരെയാക്കി ആരോഗ്യ വകുപ്പ് ഡയറക്ടര് ഉത്തരവിറക്കിയത്. 102 സി.എച്ച്.സികള്ക്ക് ഇത് ബാധകമാണ്. നിലവില് രാവിലെ ഒമ്പത് മുതല് ഉച്ചക്ക് രണ്ടുവരെയാണ് ഒ.പി സമയം. തീരുമാനത്തിനെതിരെ കെ.ജി.എം.ഒ.എ രംഗത്തെത്തി. ഡോക്ടര്മാര് ഉള്പ്പെടെ ജീവനക്കാരെ നിയമിക്കാതെ പെട്ടെന്ന് ഇത്തരം കാര്യങ്ങള് നടപ്പാക്കുന്നത് കാര്യങ്ങള് തകിടംമറിക്കുമെന്ന് സംസ്ഥാന പ്രസിഡന്റ് ഡോ. എ.കെ. റഊഫ് പറഞ്ഞു.
രാവിലെ ഒമ്പത് മുതല് ഉച്ചക്ക് രണ്ടുവരെയുള്ള ഒ.പികള് തന്നെ ജീവനക്കാരുടെ കുറവ് കാരണം ബുദ്ധിമുട്ടിലാണ്. പുതിയ ക്രമീകരണം ഡോക്ടര്മാരുടെയും ജീവനക്കാരുടെയും സംഘടനകളുമായി ചര്ച്ചചെയ്യാത്തത് ഖേദകരമാണെന്നും അദ്ദേഹം പറഞ്ഞു.102 ആരോഗ്യകേന്ദ്രങ്ങളിലും വര്ക്ക് അറേഞ്ച്മന്റെ് എന്ന രീതിയില് ഡോക്ടര്മാരെയും ജീവനക്കാരെയും പുനര്വിന്യസിച്ചിരിക്കുകയാണ്. ഉത്തരവ് നടപ്പാക്കണമെങ്കില് ഈ ഡോക്ടര്മാരെ തിരികെ വിളിക്കണം. അങ്ങനെ വരുമ്പോള് പുതുതായി ആരംഭിച്ച കുടുംബാരോഗ്യകേന്ദ്രങ്ങളുടെയും പ്രാഥമികാരോഗ്യകേന്ദ്രങ്ങളുടെയും പ്രവര്ത്തനം താളംതെറ്റും. അതിനാല് ഉത്തരവ് നടപ്പാക്കാന് താമസം വരുമെന്നാണ് സൂചന.
ഒ.പി സമയം വൈകീട്ട് ആറുവരെയാക്കി നീട്ടിയ സാമൂഹികാരോഗ്യകേന്ദ്രങ്ങള്: തിരുവനന്തപുരം: പാലോട്, അഞ്ചുതെങ്ങ്, പൂവാര്, മണമ്പൂര്, പെരുങ്കടവിള, വെള്ളനാട്, വെണ്പകല്, വിഴിഞ്ഞം, പുത്തന്തോപ്പ്, അണ്ടൂര്കോണം, കന്യാകുളങ്ങര, കേശവപുരം, പള്ളിക്കല്.
കൊല്ലം: അഞ്ചല്, ചവറ, ഓച്ചിറ, ശൂരനാട്, തൃക്കടവൂര്.പത്തനംതിട്ട: കുഞ്ഞീറ്റുകര, ഏനാദിമംഗലം, തുമ്പമണ്, റാന്നി, പെരുനാട്.ആലപ്പുഴ: അരൂക്കുറ്റി, തൈക്കാട്ടശ്ശേരി, ചുനക്കര, തൃക്കുന്നപ്പുഴ, എടത്വ, ചെമ്പുംപുറം, പാണ്ടനാട്, മാന്നാര്, മുഹമ്മ, വെളിയനാട്, മുതുകുളം.
കോട്ടയം: അയര്ക്കുന്നം, എരുമേലി, കൂടല്ലൂര്, പൈക, ഉള്ളനാട്, കുമരകം, ഇടയാഴം, ഇടമറുക്, വാകത്താനം, മുണ്ടന്കുന്ന്. ഇടുക്കി: മറയൂര്, പുറപ്പുഴ, ഉപ്പുതറ, വണ്ടന്മേട്.എറണാകുളം: വെങ്ങോല, രാമമംഗലം, മൂത്തകുന്നം, ഏഴിക്കര, വടവുകോട്, കാലടി, മാലിപ്പുറം, കുമ്പളങ്ങി. തൃശൂര്: ആലപ്പാട്, മുല്ലശേരി, പഴഞ്ഞി, പുത്തന്ചിറ.
പാലക്കാട്: അഗളി, ചാലിശ്ശേരി, ചേര്പ്പുളശ്ശേരി, കടമ്പഴിപ്പുറം, കൊടുവായൂര്, കുഴല്മന്ദം, വടക്കഞ്ചേരി, പഴമ്പലാക്കോട്, നെന്മാറ.
മലപ്പുറം: എടവണ്ണ, ഉര്ങ്ങാട്ടിരി, മങ്കട, എടപ്പാള്, താനൂര്, വേങ്ങര, കാളികാവ്, കരുവാരക്കുണ്ട്, പുറത്തൂര്, നെടുവ.
കോഴിക്കോട്: നരിക്കുനി, തലക്കുളത്തൂര്, ഓര്ക്കാട്ടേരി, വളയം, മേലാടി, മുക്കം. കണ്ണൂര്: പിണറായി, പാപ്പിനിശ്ശേരി, അഴീക്കോട്, ഇരിവേരി, മയ്യില്, കൂത്തുമുഖം, ഇരിക്കൂര്, പാനൂര്. കാസര്കോട്: ചെറുവത്തൂര്, പെരിയ, മുളിയാര്, കുമ്പള, മഞ്ചേശ്വരം.വയനാട്: പേര്യ, പനമരം, പുല്പള്ളി, മീനങ്ങാടി, തരിയോട്.
https://www.facebook.com/Malayalivartha
