ശബരിമല വിഷയവുമായി ബന്ധപ്പെട്ട് നടത്തിയ പ്രചാരണം പുലിവാലായി; സുനിതാ ദേവദാസിന് ബിജെപി സംസ്ഥാന പ്രസിഡന്റ് പി എസ് ശ്രീധരന് പിള്ളയുടെ ഭാര്യയുടെ വക്കീല് നോട്ടീസ്- വക്കീൽ നോട്ടീസ് ഇ മെയിലിൽ കിട്ടിയിട്ടുണ്ടെന്ന് ഫേസ്ബുക്ക് പോസ്റ്റിട്ട് സുനിതാ ദേവദാസ്
ശ്രീധരന് പിള്ളയേയും ഭാര്യയേയും അവഹേളിക്കുന്ന തരത്തിൽ വ്യാജ പോസ്റ്റ് ഇട്ടതിന്റെ പേരിൽ പുലിവാലുപിടിച്ച സുനിതാ ദേവദാസിന് ബിജെപി സംസ്ഥാന അദ്ധ്യക്ഷൻ പിഎസ് ശ്രീധരൻ പിള്ളയുടെ ഭാര്യ അഡ്വ. കെ റീത്തയുടെ വക്കീല് നോട്ടീസ്. ബിജെപിയുടെ സംസ്ഥാന പ്രസിഡന്റ് അഡ്വ പി എസ് ശ്രീധരന് പിള്ളയുടെ ഭാര്യ ക്രിസ്താനിയല്ലേ... റീത്ത.. ഇപ്പോള് ശ്രീധരന് പിള്ളയെ കുറിച്ച് നിങ്ങള്ക്ക് എന്താണ് പറയാനുള്ളത്. ശ്രീധരന് പിള്ളയും ക്രിസ്ത്യാനിയായ ഭാര്യയും കൂടി ഹന്ദു ആരാധനാലയങ്ങള് തകര്ക്കാന് വേണ്ടി ശബരിമലയില് പ്രശ്നങ്ങള് ഉണ്ടാക്കുന്നു... എന്ന പോസ്റ്റും വീഡിയോയും സുനിത പോസ്റ്റ് ചെയ്തു.
ഇതോടെ സോഷ്യല് മീഡിയയില് ഇത് വലിയ ചര്ച്ചയായി. ശ്രീധരന് പിള്ളയ്ക്കെതിരെ സൈബര് പോരാളികള് വാദവുമായെത്തി. ശ്രീധരന് പിള്ളയുടെ ഭാര്യയുടെ പേര് റീത്തയെന്നാണ്. ക്രിസ്ത്യന് പേരുമായി സാമ്യമുള്ള പേരിനെയാണ് ക്രിസ്ത്യാനിയായി സുനിത ചിത്രീകരിച്ചത്. ശ്രീധരന് പിള്ളയുടെ ഭാര്യയുടെ കുടുംബം ഹിന്ദുവാണെന്ന് എല്ലാവര്ക്കും അറിയാവുന്നതുമാണ്. ഹിന്ദു വിശ്വാസ പ്രകാരമാണ് ജീവിക്കുന്നതെന്നും വ്യക്തം. എന്നിട്ടും ശ്രീധരന് പിള്ളയുടെ ഭാര്യയുടെ പേര് ഉയര്ത്തി വ്യാജ പ്രചരണങ്ങള് സുനിത നടത്തുകയായിരുന്നു.
സോഷ്യല് മീഡിയയിലെ ആധികാരിക വ്യക്തിത്വമാണ് താനെന്ന് നിരന്തരം പറയുന്ന സുനിതയുടെ പോസ്റ്റ് പലരും വിശ്വസിച്ചു. ഇത് മുഖവലിയ്ക്കെടുത്ത് സാധാരണക്കാരായ സൈബര് പോരാളികള് ശ്രീധരന് പിള്ളയുടെ കടുംബത്തെ കടന്നാക്രമിച്ചു. ഈ പോസ്റ്റും വീഡിയോയും തനിക്ക് മാനഹാനിയുണ്ടാക്കിയെന്നാണ് ശ്രീധരന് പിള്ളയുടെ ഭാര്യയുടെ നിലപാട്. ഈ സാഹചര്യത്തില് 25 ലക്ഷം രൂപ നഷ്ടപരിഹാരവും സുനിതാ ദേവദാസിനോട് ആവശ്യപ്പെടുന്നു. വര്ഗ്ഗീയ കലാപത്തിനാണ് സുനിത ശ്രമിച്ചതെന്നും കുറ്റപ്പെടുത്തുന്നു.
തന്നെയും കുടുംബത്തെയും അപകീർത്തിപ്പെടുത്താൻ വേണ്ടി ബോധപൂർവം താൻ ക്രിസ്തിയാനി ആണെന്നും, താനും ഭർത്താവും മതസ്പർദ്ധ സൃഷ്ടിക്കുകയാണ് എന്ന കളവ് പ്രചരിപ്പിക്കുകയാണ് ചെയ്തതെന്നും ശ്രീധരൻ പിള്ളയുടെ ഭാര്യ നൽകിയ നോട്ടീസിൽ പറയുന്നു. ടി.സി ഗോപാലൻ നായരുടേയും ശ്രീമതി സുഭദ്ര ദേവിയുടെയും മകളായ തന്നെ ക്രിസ്ത്യാനിയാണ് എന്ന് പറഞ്ഞു കളവായ വാർത്ത പ്രചരിപ്പിച്ചതിൽ തനിക്കും കുടുംബത്തിനും കടുത്ത മാനഹാനി ഉണ്ടായിട്ടുണ്ട് എന്ന് കാണിച്ചാണ് നോട്ടീസ്. സുനിത ദേവദാസ് രാഷ്ട്രീയവും മറ്റ് സ്വകാര്യ ലാഭത്തിനും വേണ്ടി കളവായ വാർത്ത കെട്ടിച്ചമച്ച് പ്രചരിപ്പിച്ചുവെന്നും അഡ്വ. റീത്ത പറയുന്നു.
അതേ സമയം ശ്രീധരൻ പിള്ളയുടെ ഭാര്യയുടെ വക്കീൽ അയച്ച വക്കീൽ നോട്ടീസ് ഇ മെയിലിൽ കിട്ടിയെന്നും അത് വക്കീലിനു കൈമാറിയിട്ടുണ്ടെന്നും, അദ്ദേഹത്തിന്റെ നിയമോപദേശം അനുസരിച്ചു മുന്നോട്ട് പോകുമെന്നും സുനിതാ ദേവദാസ് തന്റെ ഫേസ്ബുക്ക് പോസ്റ്റിലൂടെ വ്യക്തമാക്കി.
https://www.facebook.com/Malayalivartha
