ശബരിമല ഡ്യൂട്ടിക്കായി വീട്ടില്‍ നിന്നിറങ്ങിയ എസ്.ഐയെ കാണാനില്ലെന്ന് ഭാര്യയുടെ പരാതി. രാമങ്കരി സ്റ്റേഷനിലെ ഗ്രേഡ് എസ്.ഐ ഐ.ജി. അഗസ്റ്റിനെയാണ് കാണാതായതായി ഭാര്യ പരാതി നല്‍കിയിരിക്കുന്നത്. ശബരിമല ഡ്യൂട്ടിക്കായി വീട്ടില്‍ നിന്നിറങ്ങിയെങ്കിലും ജോലി സ്ഥലത്ത് എത്തിയിരുന്നില്ല. കഴിഞ്ഞ മാസം 29നാണ് അഗസ്റ്റിന്‍ ശബരിമലയില്‍ ജോലിയില്‍ പ്രവേശിക്കേണ്ടിയിരുന്നത്. ഭാര്യയുടെ പരാതിയില്‍ രാമങ്കരി പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. അടുത്ത മാര്‍ച്ചിലാണ് അഗസ്റ്റിന്‍ വിരമിക്കാനിരിക്കുന്നത്.

ശബരിമല ഡ്യൂട്ടിക്കണെന്നു പറഞ്ഞ് വീട്ടില്‍ നിന്നിറങ്ങിയതാണ് തന്റെ ഭര്‍ത്താവെന്നും എന്നാല്‍ ഡ്യൂട്ടിക്ക് എത്തിയില്ല എന്ന വിവരമാണ് ലഭിച്ചതെന്നും അതിനാലാണ് കാണാനില്ലെന്ന് പരാതി നല്‍കിയതെന്നും ഭാര്യ വ്യക്തമാക്കുന്നു. രാമങ്കരി സ്റ്റേഷനിലെ ഗ്രേഡ് എസ്.ഐ ഐ.ജി. അഗസ്റ്റിനെ കാണാനില്ലെന്നു കാണിച്ചാണ് ഭാര്യ പരാതി നല്‍കിയിരിക്കുന്നത്. കഴിഞ്ഞ മാസം 29നാണ് അഗസ്റ്റിന്‍ ശബരിമലയില്‍ ജോലിയില്‍ പ്രവേശിക്കേണ്ടിയിരുന്നത്. ഇതിനായി വീട്ടില്‍ നിന്ന് ഇറങ്ങിയെങ്കിലും ഡ്യൂട്ടിക്ക് എത്തിയില്ല. അഗസ്റ്റിന്‍ അടുത്ത മാര്‍ച്ചിലാണ് ഡ്യൂട്ടിയില്‍ നിന്നും വിരമിക്കാനിരിക്കുന്നത്. എന്തായാലും ഭാര്യയുടെ പരാതിയില്‍ രാമങ്കരി പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു കഴിഞ്ഞു.

ഇത്തരത്തില് ശബരിമലയില്‍ ദര്‍ശനത്തിനുപോയപ്പോള്‍ കാണാതായ ശിവദാസന്‍ എന്ന വൃദ്ധനെ മരിച്ച നിലയില്‍ കണ്ടെത്തിയിരുന്നു. അത് ഏറെ വിവാദമാവുകയും ചെയ്തിരുവ്വു ശബരിമലയിലെ നിലയ്ക്കലില്‍ സ്ത്രീപ്രവേശനവുമായി ബന്ധപ്പെട്ട് നടന്ന അക്രമങ്ങള്‍ക്കിടെയാണ് ഇദ്ദേഹത്തെ കാണാതായത് എന്നാരോപിച്ച് ബിജെപി പത്തനംതിട്ടയില്‍ ഹര്‍ത്താല്‍ പ്രഖ്യാപിച്ചിരുന്നു. എന്നാല്‍ നിലയ്ക്കലില്‍ നിന്നല്ല ഇദ്ദേഹത്തിന്റെ മൃതദേഹം കിട്ടിയതെന്ന് റിപ്പോര്‍ട്ടുകള്‍ വന്നതോടെയും കുടുമ്പത്തിന്റെ മൊഴി പുറത്തു വന്നതോടെയും ബിജെപിയുടെ വാദങ്ങള്‍ പൊളിഞ്ഞിരുന്നു

ളാഹയ്ക്ക് സമീപം കമ്പകത്തും വളവിലെ കൊക്കയിലാണ് ശിവദാസനെ മരിച്ച നിലയില്‍ കണ്ടെത്തിയത്. നിലയ്ക്കലില്‍ നിന്ന് 16 കിലോമീറ്ററോളം അകലെയാണിത്. ശിവദാസന്റേത് അപകടമരണമാണെന്ന് പൊലീസ് അറിയിച്ചു. ശബരിമലയില്‍ ദര്‍ശനത്തിനു പോയി തിരിച്ചുവരികയായിരുന്നിരിക്കണം ശിവദാസനെന്നാണ് പൊലീസിന്റെ അനുമാനം. പന്തളം മുളമ്പുഴ സ്വദേശിയാണ് മരിച്ചയാള്‍. അറുപത് വയസ്സുണ്ട്. ഒക്ടോബര്‍ പതിനെട്ട് മുതലാണ് ശിവദാസനെ കാണാതായത്. 19ന് ഇദ്ദേഹം വീട്ടിലേക്ക് വിളിച്ചിരുന്നു. ശബരിമലയില്‍ അക്രമവും പൊലീസ് നടപടികളുമുണ്ടായത് 16, 17 തിയ്യതികളിലായിരുന്നു. മരിച്ചയാള്‍ സഞ്ചരിച്ചിരുന്ന മോപ്പഡ് സ്ഥലത്തു നിന്നും കണ്ടെടുത്തിരുന്നു.

എന്നാല്‍ കാണാതായ ഐ.ജി. അഗസ്റ്റിനെ കുറിച്ച് പോലീസിന് വിവരമൊന്നും ലഭിച്ചിട്ടില്ല. ഇതേക്കുറിച്ച് പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.