'മീടു' ആരോപണം നേരിട്ട മലയാളി സോഫ്റ്റ്‌വെയര്‍ എഞ്ചിനിയര്‍ ജീവനൊടുക്കിയതില്‍ അദ്ദേഹത്തിനെതിരെ ആരോപണങ്ങളുന്നയിച്ച യുവതികള്‍ക്കെതിരെ കേസെടുത്തു. ആത്മഹത്യാ പ്രേരണകുറ്റം ചുമത്തിയാണ് സ്ത്രീകള്‍ക്കെതിരെ കേസെടുത്തിരിക്കുന്നത്. ജന്‍പാക്റ്റ് അസിസ്റ്റന്റ് വൈസ് പ്രസിഡന്റായ എറണാകുളം സ്വദേശി സ്വരൂപിനെ നോയ്ഡയിലെ വീട്ടില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു. ഉത്തര്‍പ്രദേശ പോലീസ് കേസെടുത്തു.

ഭര്‍ത്താവിനെതിരെയുണ്ടായ ആരോപണം കെട്ടിച്ചമച്ചതാണെന്ന് ചൂണ്ടിക്കാട്ടി സ്വരൂപിന്റെ ഭാര്യയും ജന്‍പാക്റ്റിലെ തന്നെ ജീവനക്കാരിയുമായ കൃതി പൊലീസില്‍ പരാതിപ്പെടുകയായിരുന്നു. ഈ പരാതി കണക്കിലെടുത്താണ് മീ ടു ആരോപണം ഉന്നയിച്ചവര്‍ക്കെതിരെ ആത്മഹത്യ പ്രേരണയ്ക്ക് കേസെടുത്തത്. കമ്പനിയിലെ ആഭ്യന്തര അന്വേഷണ സമിതി അംഗങ്ങള്‍ക്കെതിരെയും കേസെടുത്തിട്ടുണ്ട്.

സ്വരൂപിനെതിരെ കമ്പനിയിലെ രണ്ടു സഹപ്രവര്‍ത്തകരാണ് മീ ടു ആരോപണം ഉന്നയിച്ചത്. തൊട്ടുപിന്നാലെ കമ്പനി സ്വരൂപിനെ അന്വേഷണ വിധേയമായി സസ്‌പെന്‍ഡ് ചെയ്തിരുന്നു. ഇതില്‍ മനം നൊന്തായിരുന്നു സ്വരൂപ് ആത്മഹത്യ ചെയ്തത്. അതേസമയം, തങ്ങള്‍ക്ക് ലഭിച്ച പരാതിയില്‍ ഗുരുതര ആരോപണങ്ങളുണ്ടായിരുന്നുവെന്നാണ് ജാന്‍പാക്റ്റ് ആരോപണം.