മണിയാശാനും രംഗത്ത്... ഇനിയും യുവതികള് വന്നാല് സംരക്ഷണം നല്കുമെന്ന് എംഎം മണി; വെള്ളാപ്പള്ളി നടേശന് ഓരോ വിഷയത്തിലും ഓരോ നിലപാട്
ശബരിമല ആചാര ലംഘനത്തെ സംബന്ധിച്ച് വാദ പ്രതിവാദങ്ങള് കനക്കവെ മന്ത്രി എംഎം മണിയും രംഗത്ത്. ശബരിമല ദര്ശനത്തിന് യുവതികള് എത്തിയാല് ഇനിയും സംരക്ഷണം നല്കുമെന്ന് എംഎം മണി പറഞ്ഞു. വിഷയത്തില് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്റെ നിലപാടിനെക്കുറിച്ചും മന്ത്രി പ്രതികരിച്ചു. വെള്ളാപ്പള്ളിക്ക് ഓരോ വിഷയത്തിലും ഓരോ നിലപാടുണ്ടാകുമെന്നാണ് എംഎം മണിയുടെ വാക്കുകള്.
ശബരിമലയിലെ യുവതി പ്രവേശത്തില് നിരാശയും വേദനയും ഉണ്ടെന്ന് വെള്ളാപ്പള്ളി നടേശന് ഇന്നലെ മാധ്യമങ്ങളോട് പ്രതികരിച്ചിരുന്നു. ശബരിമല വിശ്വാസികള്ക്കുള്ളതാണ്. ആക്ടിവിസ്റ്റുകള്ക്കുള്ളതല്ല. പിന്വാതിലിലൂടെ യുവതികളെ പ്രവേശിപ്പിച്ചത് നിരാശജനകമാണ്. എസ്എന്ഡിപി യോഗം വിശ്വാസികള്ക്കൊപ്പമാണെന്നും വെള്ളാപ്പള്ളി പറഞ്ഞു.
ശബരിമലയിലെ യുവതി പ്രവേശവുമായി ബന്ധപ്പെട്ട് പുതുവര്ഷ ദിനത്തില് നവോത്ഥാന സംഘടനകളുടെ നേതൃത്വത്തില് സംഘടിപ്പിച്ച വനിതാ മതിലിലിന്റെ പ്രധാന സംഘാടകരിലൊരാളായിരുന്നു വെള്ളാപ്പള്ളി.
അതേസമയം പന്തളത്ത് ശബരിമല കര്മ്മസമിതിയുടെ പ്രതിഷേധ പ്രകടനത്തിനു നേരെ സി പി.എം ഓഫീസിന് മുകളില് നിന്നുണ്ടായ കല്ലേറില് പരിക്കേറ്റ ബിജെപി പ്രവര്ത്തകന് മരിച്ചു. കുരമ്ബാല കുറ്റിയില് ചന്ദ്രന് ഉണ്ണിത്താന് ആണ് മരിച്ചത്. പരിക്കേറ്റ സിവില് പൊലീസ് ഓഫീസറടക്കം 10 പേര് ചികിത്സയിലാണ്. കല്ലേറില് പങ്കുണ്ടെന്ന് സംശയിക്കുന്ന രണ്ട് പേര് പൊലീസ് കസ്റ്റഡിയിലുണ്ടെന്നാണ് സൂചന. ഇവരെക്കുറിച്ചുള്ള കൂടുതല് വിവരങ്ങള് പൊലീസ് പുറത്തു വിട്ടിട്ടില്ല.
ശബരിമല കര്മ്മസമിതി പന്തളത്ത് നടത്തിയ പ്രതിഷേധ പ്രകടനത്തിന് നേരെ സി പി എം ഏരിയാ കമ്മിറ്റി ഓഫീസിനു മുകളില് നിന്നുണ്ടായ കല്ലേറിലാണ് ചന്ദ്രന് ഉണ്ണിത്താന് പരിക്കേറ്റത്. തലയില് ഗുരുതര പരിക്കേറ്റ ഇദ്ദേഹത്തെ ആദ്യം പന്തളത്തെ സ്വകാര്യ ആശുപത്രിയില് പ്രവേശിപ്പിച്ചു. പിന്നീട് രക്തസ്രാവം കൂടിയതിനെ തുടര്ന്ന് തിരുവല്ലയിലെ സ്വകാര്യ മെഡിക്കല് കോളേജ് ആശുപത്രിയിലേക്ക് മാറ്റിയെങ്കിലും രാത്രി 10.30 ഓടെ മരിക്കുകയായിരുന്നു.
കല്ലേറില് പരിക്കേറ്റ 10 പേരില് സിവില് പൊലീസ് ഓഫീസറടക്കം 3 പേരുടെ നില ഗുരുതരമാണ്. പന്തളം മണികണ്ഠന് ആല്ത്തറയില് നിന്നും ആരംഭിച്ച പ്രതിഷേധ പ്രകടനം കെഎസ്ആആര്ടിസി സ്റ്റാന്ഡു ചുറ്റി പന്തളം കവലയിലേക്കു വരുമ്ബോഴാണ് സിപിഎം ഏരിയാ കമ്മിറ്റി ഓഫീസില് നിന്ന് കോണ്ക്രീറ്റ് കട്ടകളും കല്ലുകളും വലിച്ചെറിഞ്ഞെത്. സി പി.എം പ്രവര്ത്തകരാണ് അക്രമത്തിന് പിന്നില്ലെന്ന് ശബരിമല കര്മ്മ സമിതി ആരോപിച്ചു.
കല്ലേറില് ഒരു കെഎസ്ആര്ടിസി ബസ്സ് ചില്ലുകളും തകര്ന്നു. ചന്ദ്രന് ഉണ്ണിത്താന്റെ മൃതശരീരം തിരുവല്ലയിലെ സ്വകാര്യ മെഡിക്കല് കോളേജ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ബേക്കറി തൊഴിലാളിയാണ് ചന്ദ്രന് ഉണ്ണിത്താന്. ഭാര്യ വിജയമ്മ. ഒരു മകളുണ്ട്. ബിജെപി സംസ്ഥാന നേതാക്കള് എത്തിയ ശേഷമായിരിക്കും അന്ത്യോപചാര ചടങ്ങുകള് നടക്കുക.ബി ജെ.പി സി പി എം സംഘര്ഷത്തിന്റെ പശ്ചാതലത്തില് ജില്ലയില് സുരക്ഷ ശക്തമാക്കിയിട്ടുണ്ട്.
https://www.facebook.com/Malayalivartha
