വിദ്യാര്‍ത്ഥി അടക്കം മൂന്നു പേരെ തെരുവുനായ കടിച്ചു. വീണ്ടും തെരുവ് നായ ആക്രമണത്തിൽ ഭയന്ന് നാട്ടുകാർ. കണ്ണൂരിലെ താഴെചൊവ്വയില്‍ വിദ്യാര്‍ത്ഥി അടക്കം മൂന്നു പേര്‍ക്ക് തെരുവുനായയുടെ കടിയേറ്റു. താഴെചൊവ്വ തങ്കേക്കുന്ന് റോഡില്‍ വെച്ചാണ് നായ ഇവരെ കടിച്ചത്. ഓടിവന്ന നായ മൂവരെയും കടിക്കുകയായിരുന്നു. സ്‌കൂളിലേക്ക് പോകാന്‍ സൈക്കിളില്‍ കാറ്റു നിറയ്ക്കുന്നതിനിടെയാണ് വിദ്യാര്‍ഥിക്ക് കടിയേറ്റത്. കടിയേറ്റതിനെ തുടര്‍ന്ന് മൂന്നുപേരും ജില്ലാ ആശുപത്രിയില്‍ ചികിത്സ തേടി. നടാല്‍ സ്വദേശി മംഗലപറമ്ബത്ത് പി.വി. ബാലകൃഷ്ണന്‍ (59), കടലായി കുറുവയിലെ മണ്ടേന്‍ രവീന്ദ്രന്‍ (75), ചൊവ്വ ഹയര്‍സെക്കന്‍ഡറി സ്‌കൂളിലെ ആറാംക്ലാസ് വിദ്യാര്‍ത്ഥി ഷാന്‍ (11) എന്നിവര്‍ക്കാണ് തെരുവു നായയുടെ കടിയേറ്റത്.