കൊല്ലം ചവറ തേവലക്കരയിൽ നാമജപ യാത്രയിൽ പങ്കെടുത്തതിന് പൊലീസ് മകനെ അറസ്റ്റു ചെയ്തതിൽ മനം നൊന്ത് അച്ഛൻ ആത്മഹത്യ ചെയ്തു.ചവറ തേവലക്കരകൊച്ചുപന്താടിയിൽ മനേഷ്ഭവനിൽ മോഹനൻ പിള്ളയാണ് വീട്ടുവളപ്പിൽ ആത്മഹത്യ ചെയ്തത് .മകൻ മനോജ് കുമാറിനെ കർമ്മ സമിതിയുടെ നേതൃത്വത്തിൽ നടത്തിയ നാമജപ യാത്രയിൽ പങ്കെടുത്തതിന് ഇന്ന് ഉച്ചയോടെയാണ് പൊലിസ് അറസ്റ്റു ചെയ്തത്. ഗൾഫിൽ നിന്നും ലീവിന് നാട്ടിലെത്തിയതായിരുന്നു മനോജ് കുമാർ. മകന്റെ അറസ്റ്റിനെ തുടർന്ന് മാനസികമായി തളർന്ന മോഹനൻ പിള്ള വീട്ടുവളപ്പിൽ തുങ്ങി മരിക്കുകയായിരുന്നു . 

മൃതദേഹം കരുനാഗപ്പള്ളി ആശുപത്രിയിൽ പോസ്റ്റുമാർട്ടത്തിനായി സൂക്ഷിച്ചിരിക്കുകയാണ്.