സുഹൃത്തുക്കളോടൊപ്പം കടലില് കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി
കടലില് കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി. ബുധനാഴ്ച തുമ്പ കടലില് കുളിക്കാനിറങ്ങി കാണാതായ സച്ചിന് ശ്യാം ( 21 )ന്റെ മൃതദേഹമാണ് പെരുമാതുറ പൊഴിക്കു സമീപത്തായി ഇന്ന് രാവിലെ കണ്ടെത്തിയത്. കണ്ണാന്തുറ പഴയ ജി.വി രാജ സ്പോര്ട്സ് സ്ക്കൂളിന് സമീപം ഹില് ഹൗസില് ശ്യാമിന്റെയും ചന്ദ്രികയുടെയും മകനാണ് സച്ചിന്. ഐ.ടി.ഐ പാസായ ശേഷം പട്ടത്തെ ഒരു സ്വകാര്യ സ്ഥാപനത്തില് ജോലി നോക്കി വരികയായിരുന്നു. ബുധനാഴ്ച വൈകുന്നേരം സുഹൃത്തുക്കളായ വിജില്, മനു പ്രസാദ്, വൈശാഖ് എന്നിവര്ക്കൊപ്പമാണ് സച്ചിന് കടലില് കുളിക്കാനായി ഇറങ്ങിയത്.
കടലില് കുളിച്ച് കൊണ്ടിരിക്കേ അതിശക്തമായ തിരയില്പ്പെട്ട് സച്ചിന് ശ്യാമിനെ കാണാതാവുകയായിരുന്നു. ഇതു കണ്ട് സുഹൃത്തുക്കള് നിലവിളിച്ചു. ഓടിക്കൂടിയ നാട്ടുകാര് കഴക്കൂട്ടം പൊലീസില് വിവരമറിയിച്ചു.
വിഴിഞ്ഞത്തുനിന്നും എത്തിയ മറൈന് എന്ഫോഴ്സ്മെന്റ് ,കടലോര ജാഗ്രതാ സമിതി അംഗങ്ങള് ഉള്പെടെയുള്ളവരുടെ നേതൃത്വത്തില് രാത്രി വൈകിയും തിരച്ചില് നടത്തിയെങ്കിലും കണ്ടെത്താന് സാധിച്ചില്ല. മൃതദേഹം മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റി.
"
https://www.facebook.com/Malayalivartha
