തലസ്ഥാന നഗരിക്കു പൂക്കാലം സമ്മാനിച്ച് കനകക്കുന്നില് ഇന്ന് വസന്തോത്സവത്തിനു തിരിതെളിയും... മുഖ്യമന്ത്രി വൈകിട്ട് ഉദ്ഘാടനം ചെയ്യും
തലസ്ഥാന നഗരിക്കു പൂക്കാലം സമ്മാനിച്ച് കനകക്കുന്നില് ഇന്ന് വസന്തോത്സവത്തിനു തിരിതെളിയും. വൈകിട്ട് അഞ്ചിനു മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ടൂറിസം മന്ത്രി കടകംപള്ളി സുരേന്ദ്രന് അധ്യക്ഷനാകും. 20 വരെയാണ് ടൂറിസം വകുപ്പ് സംഘടിപ്പിക്കുന്ന പുഷ്പോത്സവം.
പതിനായിരക്കണക്കിന് ഇനം പൂക്കളും ചെടികളും കനകക്കുന്നില് എത്തിച്ചുകഴിഞ്ഞു. ഓര്ക്കിഡ്, ബോണ്സായി, ആന്തൂറിയം ഇനങ്ങളുടെ പവലിയന്, ജവഹര്ലാല് നെഹ്റു ബൊട്ടാണിക്കല് ഗാര്ഡന് ഒരുക്കുന്ന വനക്കാഴ്ച, മലബാര് ബൊട്ടാണിക്കല് ഗാര്ഡന് തയ്യാറാക്കുന്ന ജലസസ്യങ്ങളുടെ പ്രദര്ശനം, ടെറേറിയം, കേരള ഫോറസ്റ്റ് റിസര്ച്ച് ഇന്സ്റ്റിറ്റിയൂട്ടിന്റെ ബട്ടര്ഫ്ളൈ പാര്ക്ക് തുടങ്ങിയവയാണ് വസന്തോത്സവത്തിന് കാഴ്ച ഒരുക്കുന്നത്.
വിഎസ്എസ്്സി, മ്യൂസിയം മൃഗശാല, സെക്രട്ടറിയറ്റ്, ജവഹര്ലാല് നെഹ്റു ബൊട്ടാണിക്കല് ഗാര്ഡന്, മലബാര് ബൊട്ടാണിക്കല് ഗാര്ഡന്, കേരള വന ഗവേഷണ കേന്ദ്രം, നിയമസഭാ മന്ദിരം, കേരള കാര്ഷിക സര്വകലാശാല, ആയുര്വേദ
റിസര്ച്ച് ഇന്സ്റ്റിറ്റിയൂട്ട്, കേരള സര്വകലാശാല ബോട്ടണി വിഭാഗം, കിര്ത്താഡസ്, അഗ്രി ഹോര്ട്ടി സൊസൈറ്റി എന്നിങ്ങനെ പന്ത്രണ്ടോളം സ്ഥാപനങ്ങളും പത്തോളം വ്യക്തികളും നഴ്സറികളും സ്റ്റാളുകള് ഒരുക്കും. വ്യാപാര സ്റ്റാളുകളും ക്രാഫ്റ്റ് വില്ലേജിന്റെ പ്രത്യേക സ്റ്റാളും ഉണ്ടാകും. ഭക്ഷ്യമേളയും ഇതിനോടൊപ്പമുണ്ട്.
https://www.facebook.com/Malayalivartha
