ആലപ്പാടിലെ ഖനന വിരുദ്ധ സമരത്തില്‍ വിശദീകരണവുമായി ഐ.ആര്‍.ഇ. ആലപ്പാടില്‍ നടക്കുന്നത് പൂർണമായിയുള്ള ഖനന പ്രവർത്തനങ്ങളല്ലെന്ന് ഐ.ആര്‍.ഇ ചെയര്‍മാനും മാനേജിംഗ് ഡയറക്ടറുമായ ദീപേന്ദ്ര സിങ് പറഞ്ഞു . തീരത്ത് അടയുന്ന ധാതുകള്‍ ശേഖരിക്കുക മാത്രമാണ് നടക്കുന്നതെന്ന് ദീപേന്ദ്ര സിംഗ് വ്യക്തമാക്കി.

16.5 കിലോമീറ്റര്‍ ആലപ്പാട്ടിലെ പദ്ധതി പ്രദേശത്ത് വെറും 500 മീറ്റര്‍ മാത്രമാണ് പ്രവര്‍ത്തനങ്ങള്‍ നടക്കുന്നത്. നിലവിലുള്ള അവിടുത്തെ പ്രശ്നങ്ങള്‍ക്ക് പ്രത്യേക പഠനം വേണം. വിഷയത്തില്‍ വൻ തോതിൽ തെറ്റിദ്ധാരണ ഉണ്ടായിട്ടുണ്ട്. അവിടുത്തെ നാട്ടുകാര്‍ ഉള്‍പ്പെടെയുള്ളവരുടെ സഹകരണത്തോടേയാണ് പ്രവര്‍ത്തനങ്ങള്‍ നടക്കുന്നത്.

സര്‍ക്കാര്‍ സ്ഥാപനമായതിനാല്‍ എല്ലാ നിയമങ്ങളും പാലിച്ചാണ് പ്രവര്‍ത്തനങ്ങള്‍ നടത്തുന്നതെന്നും ദീപേന്ദ്ര സിങ് മാധ്യമങ്ങളോട് പറഞ്ഞു.