റിയാദിൽ പ്രവാസി മലയാളി ഹൃദയസ്​തംഭനം മൂലം മരിച്ചു. ആലപ്പുഴ, താമരക്കുളം സ്വദേശി അയ്യൂബ് ഭവനത്തിൽ നസീർ (45) ആണ് മരിച്ചത്. ഹൃയഘാതത്തെത്തുടർന്ന് കഴിഞ്ഞ ദിവസം ആശുപത്രിയിലെ തീ​വ്രപരിചരണ വിഭാഗത്തിൽ ചികിത്സയിലിരിക്കെയായിരുന്നു ഇദ്ദേഹത്തിൻറെ അന്ത്യം.

നെഞ്ചുവേദനയെ തുടർന്ന് ബത്​ഹയിലെ സ്വകാര്യ ക്ലിനിക്കിൽ ചികിത്സ തേടുകയും അവിടെ നിന്നും സനദ് ആശുപത്രിയിലേക്ക് റഫർ ചെയ്യുകയുമായിരുന്നു. അവിടെ ചികിത്സയിൽ തുട​രവേയാണ്​ ശനിയാഴ്ച രാവിലെ അന്ത്യം സംഭവിച്ചത്​. ഭാര്യ: ഷീബ. മക്കൾ: നസ്രിയ, നബീൽ. മൃതദേഹം നാട്ടിൽ കൊണ്ട് പോകും.