പൊലീസ് ഉദ്യോഗസ്ഥന് ചമഞ്ഞ് എംഡിഎംഎ വില്പന നടത്തിയ യുവാവ് പിടിയില്
പൊലീസ് ഉദ്യോഗസ്ഥന് ചമഞ്ഞ് എംഡിഎംഎ പിടിച്ചെടുക്കുകയും പിന്നീട് വില്പന നടത്തുകയും ചെയ്ത യുവാവ് പൊലീസ് പിടിയില്. കോഴിക്കോട് ഫറോക്ക് ചുങ്കം സ്വദേശി റോജിത്താണ് പിടിയിലായത്. സബ് ഇന്സ്പെക്ടര് ചമഞ്ഞ് ലഹരി മരുന്ന് വില്പനക്കാരില് നിന്ന് ലഹരി പിടിച്ചെടുക്കുകയും ഇത് മറിച്ച് വില്പന നടത്തുകയുമായിരുന്നു ഇയാളുടെ രീതിയെന്നാണ് പൊലീസ് പറയുന്നത്.
രാമനാട്ടുകര വൈദ്യരങ്ങാടിയില് വച്ചാണ് വ്യാഴാഴ്ച രാത്രി ജില്ലാ ലഹരി വിരുദ്ധ സ്ക്വാഡായ ഡാന്സാഫും ഫറോക്ക് പൊലീസും സംയുക്തമായി നടത്തിയ നീക്കത്തില് റോജിത്തിനെ അറസ്റ്റ് ചെയ്തത്. ഇയാളില് നിന്ന് 2.5 ഗ്രാം എംഡിഎംഎ, എയര് പിസ്റ്റള്, കൈവിലങ്ങ്, സബ് ഇന്സ്പെക്ടറിന്റെ വ്യാജ ഐഡി കാര്ഡ്, പൊലീസ് യൂണിഫോമിലുള്ള ഫോട്ടോ തുടങ്ങിയവ കണ്ടെടുത്തു. കേസില് കുടുക്കുമെന്ന് ഭീഷണിപ്പെടുത്തി നിരവധി പേരില് നിന്ന് ഇയാള് പണം തട്ടിയെടുത്തതായും പൊലീസിന് പരാതി ലഭിച്ചു. ഇതില് അന്വേഷണം നടത്തി വരികയാണ്.
https://www.facebook.com/Malayalivartha
