ഓട്ടോറിക്ഷ ഡ്രൈവര് ഷൗക്കത്തലിയുടെ മരണം: ഗതാഗത കമ്മിഷണറുടെ അന്വേഷണ വിവരങ്ങള് പുറത്ത്
ഓട്ടോറിക്ഷയ്ക്ക് ഫിറ്റ്നസ് സര്ട്ടിഫിക്കറ്റ് ലഭിക്കാത്തതിനെ തുടര്ന്ന് ഡ്രൈവര് ഷൗക്കത്തലി ജീവനൊടുക്കിയ സംഭവത്തില് ഗതാഗത കമ്മിഷണര് നടത്തിയ പ്രാഥമിക അന്വേഷണ വിവരങ്ങള് പുറത്ത്. ഷൗക്കത്തലി 2021 ജൂണ് ഏഴിനാണ് പുതിയ ഓട്ടോറിക്ഷ വാങ്ങിയത്. പുതിയ വാഹനങ്ങള്ക്ക് ആദ്യത്തെ 2 വര്ഷം ഫിറ്റ്നസ് പരിശോധന ആവശ്യമില്ല. തുടര്ന്ന് 2 വര്ഷത്തിനു ശേഷം 2023 ഓഗസ്റ്റ് 17ന് ആദ്യ പരിശോധന നടത്തി 2025 ഓഗസ്റ്റ് 16 വരെ സര്ട്ടിഫിക്കറ്റ് നല്കി. രണ്ടാമത്തെ ഫിറ്റ്നസ് സര്ട്ടിഫിക്കറ്റിനായി 2025 നവംബര് ആറിന് അപേക്ഷ നല്കുകയും നവംബര് 11ന് കൊണ്ടോട്ടി സബ് ആര്ടിഒ പരിധിയിലെ അസിസ്റ്റന്റ് മോട്ടര് വെഹിക്കിള് ഇന്സ്പെക്ടറുടെ (എഎംവിഐ) മുന്പാകെ വാഹനം ഹാജരാക്കുകയും ചെയ്തു. പരിശോധനയില് വാഹനത്തിന് സര്ട്ടിഫിക്കറ്റ് നല്കുന്നത് നിരസിച്ചു.
ഡ്രൈവര് സീറ്റിലെ ആം റെസ്റ്റുകള്, കൂര്ത്ത മെറ്റല് വീല് കപ്പുകള്, െ്രെഡവര് കാബിന്റെ ഇരുവശങ്ങളിലും വെല്ഡ് ചെയ്ത സ്റ്റീല് റെയിലിങ്ങുകള്, യാത്രക്കാരുടെ കാബിന്റെ വലതുവശത്ത് ഉയര്ത്തി വെല്ഡ് ചെയ്ത സ്റ്റീല് റെയ്ലിങ്ങുകള് എന്നിവ നീക്കം ചെയ്യാന് ഉദ്യോഗസ്ഥന് നിര്ദേശിച്ചു. ഈ മാറ്റങ്ങള് വരുത്തിയ ശേഷം വീണ്ടും പരിശോധനയ്ക്കായി വാഹനം ഹാജരാക്കാനും ആവശ്യപ്പെട്ടു. ഇതിന് ശേഷം വാഹനം വീണ്ടും പരിശോധനയ്ക്ക് എത്തിച്ചപ്പോഴുള്ള ദൃശ്യങ്ങളാണ് ഷൗക്കത്തലി സമൂഹ മാധ്യമത്തില് പങ്കുവച്ചത്
https://www.facebook.com/Malayalivartha
