ഉമ്മൻചാണ്ടി ഊരിപ്പിടിച്ച ചെരുപ്പുമായി ; സെക്രട്ടറിയെറ്റിന് മുന്നിൽ നിരാഹാര സമരം കിടക്കുന്ന കെ എസ് ആർ ടി സി യിൽ നിന്നും പിരിച്ചു വിടപ്പെട്ട കണ്ടക്ടർമാർക്കിടയിലൂടെ ചെരുപ്പും കൈയിൽ ഊരിപിടിച്ച് നടക്കുന്ന മുൻ മുഖ്യമന്ത്രി ഉമ്മൻചാണ്ടിയുടെ ചിത്രം സോഷ്യൽ മീഡിയയിൽ വൈറൽ
23 JANUARY 2019 04:56 PM IST
മലയാളി വാര്ത്ത
പിരിച്ചുവിട്ട താത്കാലിക കണ്ടക്ടർമാർ സെക്രട്ടേറിയറ്റിന് മുന്നിൽ അനിശ്ചിതകാല സത്യാഗ്രഹസമരം തുടങ്ങിയിട്ട് മൂന്നുദിവസമായി. എല്ലാവരെയും ജോലിയിൽ തിരിച്ചെടുക്കുക, അതിനു കഴിയില്ലെങ്കിൽ നിയമപരമായ നഷ്ടപരിഹാരം നൽകുക എന്നീ ആവശ്യങ്ങളുയർത്തിയാണ് രണ്ടാം വട്ടം എംപാനലുകാർ സമരം നടത്തുന്നത്. പ്രളയാനന്തര പുനരധിവാസ പ്രവർത്തനങ്ങൾ സർക്കാർ വൈകിപ്പിക്കുന്നതിൽ പ്രതിഷേധിച്ച് യുഡിഎഫ് ആഹ്വാനം ചെയ്ത സെക്രട്ടറിയേറ്റ്, കളക്ടറേറ്റ് ഉപരോധം തുടങ്ങി. സെക്രട്ടറിയേറ്റ് ഉപരോധം 11 മണിയോടെ പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. സംസ്ഥാനത്ത് പ്രളയാനന്തരം പുനരധിവാസ പ്രവര്ത്തനങ്ങള് നടക്കുന്നില്ലെന്നും സംസ്ഥാനത്തെ ക്രമസമാധാന നില പൂര്ണമായും തകര്ന്നുവെന്നും ശബരിമല വിഷയത്തില് വിശ്വാസികളെ സര്ക്കാര് വഞ്ചിച്ചുവെന്നും യുഡിഎഫ് ആരോപിക്കുന്നു. രാവിലെ ആറു മണിയോടെ സെക്രട്ടറിയേറ്റ് ഉപരോധിക്കാന് യുഡിഎഫ് പ്രവര്ത്തകര് എത്തിയിരുന്നു. നോര്ത്ത്, സൗത്ത്, വെസ്റ്റ് കവാടങ്ങള് പ്രവര്ത്തകര് ഉപരോധിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
