പോസ് കോ പ്രതിയെ കാണാന് അനുവദിച്ചില്ല; ഡിവൈഎഫ്ഐക്കാര് പൊലീസ് സ്റ്റേഷന് കല്ലെറിഞ്ഞു, പ്രതികള് സി.സി.ടി.വിയില് കുടുങ്ങി, താമസിക്കാതെ വലയിലാകുമെന്ന് പൊലീസ്
പോക്സോ കേസില് അറസ്റ്റ് ചെയ്ത പ്രതികളെ കാണാന് അനുവദിക്കാത്തതിനെ തുടര്ന്ന് മെഡിക്കല് കോളജ് പൊലീസ് സ്റ്റേഷന് നേരെ കല്ലെറിഞ്ഞ ഡി.വൈ.എഫ്.ഐ പ്രവര്ത്തകര്ക്കെതിരെ കേസ്. കല്ലേറ് നടത്തിയ അന്പതോളം വരുന്ന ഡിവൈഎഫ്ഐ പ്രവര്ത്തകര്ക്കെതിരെയാണ് പോലീസ് കേസെടുത്തത്. കഴിഞ്ഞ രാത്രിയായിരുന്നു സംഭവം. പ്രായപൂര്ത്തിയാകാത്ത പെണ്കുട്ടിയോട് അപമര്യാദയായി പെരുമാറുകയും അശ്ലീല ആംഗ്യങ്ങള് കാട്ടിയെന്ന പരാതിയിലും അണമുഖം ഈറോഡ് സ്വദേശികളായ രാജീവ് (24), ശ്രീദേവ് (21) എന്നിവരെയാണ് അറസ്റ്റ് ചെയ്തിരുന്നു. ഇരുവരെയും കാണാനാണ് പ്രവര്ത്തകരെത്തിയത്.
ഡിവൈഎഫ്ഐ വഞ്ചിയൂര് ഏരിയ കമ്മിറ്റി സെക്രട്ടറിയുടെ നേതൃത്വത്തില് സ്റ്റേഷനിലെത്തിയ അന്പതോളം ഡിവൈഎഫ്ഐ പ്രവര്ത്തകര് എസ്ഐയെ കാണണമെന്ന് പൊലീസുകാരോട് ആവശ്യപ്പെട്ടു. ഈ സമയം എസ്ഐയുടെ മുറിയില് വേറെ പരാതിക്കാരുണ്ടായിരുന്നു. അവര് പുറത്തിറങ്ങിയ ശേഷം കാണാമെന്ന് പൊലീസുകാര് പറഞ്ഞെങ്കിലും ഡിവൈഎഫ്ഐ നേതാവും കൂട്ടരും ക്ഷുഭിതരാവുകയും മുദ്രാവാക്യം വിളിച്ചുകൊണ്ട് സ്റ്റേഷന് പുറത്തിറങ്ങി ജനല് ഗ്ലാസിന് നേരെ കല്ലേറ് നടത്തുകയുമായിരുന്നു. ഡിവൈഎഫ്ഐ വഞ്ചിയൂര് ഏരിയ സെക്രട്ടറിയുടെ നേതൃത്വത്തിലാണ് പോലീസ് സ്റ്റേഷന് നേരെ ആക്രമണം നടത്തിയതെന്ന് പൊലീസ് പറഞ്ഞു. കല്ലേറിന്റെ ദൃശ്യങ്ങള് സ്റ്റേഷനിലെ സിസിടിവിയില് പതിഞ്ഞിട്ടുണ്ടെന്നും പ്രതികളെ ഉടന് പിടികൂടുമെന്നും പൊലീസ് വ്യക്തമാക്കി.
പോസ്ക്കോ കേസുകളില് സര്ക്കാര് ശക്തമായ നടപടിയാണ് സ്വീകരിച്ചുവരുന്നത്. അതില് രാഷ്ട്രീയ സ്വാധീനമൊന്നും ഫലവത്താകില്ല. സ്ത്രീകള്ക്കും കുട്ടികള്ക്കും എതിരെയുള്ള അതിക്രമ കേസുകളില് ശക്തമായ നിലപാടാണ് സ്വീകരിച്ചത്. അതുകൊണ്ടാണ് പി.കെ ശശി എം.എല്.എയ്ക്കെതിരായ പീഡനക്കേസ് പൊലീസിന് കൈമാറാന് പാര്ട്ടി തയ്യാറാകാതിരുന്നതും ശക്തമായ അച്ചടക്കനടപടി സ്വീകരിച്ചതും. ശബരിമല സമരത്തിനിടെ അക്രമസംഭവങ്ങള് നടത്തിയ നാലായിരത്തോളം യുവമോര്ച്ചാ പ്രവര്ത്തകരെ അറസ്റ്റ് ചെയ്യുകയും ജയിലില് അടയ്ക്കുകയും ചെയ്തതിനാല് പാര്ട്ടിപ്രവര്ത്തകരുടെ കേസുകളില് സര്ക്കാര് അതികം വീട്ട് വീഴ്ചകള് ചെയ്തിരുന്നില്ല.
ഈ സര്ക്കാര് അധികാരത്തിലെത്തിയ ശേഷം പൊലീസ് സ്റ്റേഷനുകളില് സി.പി.എം പ്രവര്ത്തകര് പ്രശ്നങ്ങളുണ്ടാക്കുന്നത് താരതമ്യേന കുറവായിരുന്നു. മുഖ്യമന്ത്രിയും പാര്ട്ടിയും ശക്തമായ നിലപാട് സ്വീകരിച്ചതോടെയായിരുന്നു അത്. എന്നാല് കണ്ണൂരിലൊക്കെ നേതാക്കള് പൊലീസ് ഉദ്യോഗസ്ഥരെ ഭീഷണിപ്പെടുത്തുന്ന സംഭവങ്ങള് തുടക്കത്തിലുണ്ടായിരുന്നു. പൊലീസിനെ കുറേ കൂടി സ്വതന്ത്രമാക്കാന് പിണറായി സര്ക്കാരിന് കഴിഞ്ഞിരുന്നു. അതിനിടെയാണ് ഇതുപോലെയുള്ള ഒറ്റപ്പെട്ട സംഭവങ്ങള് ഉണ്ടാകുന്നത്. അത് ആഭ്യന്തരവകുപ്പിന് വലിയ തലവേദനയായി മാറിയിരിക്കുകയാണ്.
https://www.facebook.com/Malayalivartha
