പതിന്നാലാം കേരള നിയമസഭയുടെ സമ്മേളനത്തിനു തുടക്കമായി. ഗവര്‍ണര്‍ പി.സദാശിവത്തിന്റെ നയപ്രഖ്യാപനത്തോടെയാണ് സമ്മേളനത്തിന് തുടക്കം കുറിച്ചത്. മലയാളത്തിലാണ് ഗവര്‍ണര്‍ പ്രസംഗം ആരംഭിച്ചത്. 2019- 20 വര്‍ഷത്തെ ബജറ്റ് 31 ന് അവതരിപ്പിക്കും. ഒന്‍പത് ദിവസമാണ് സഭ ചേരുന്നത്.

നയപ്രഖ്യാപനത്തിനും ബജറ്റ് അവതരണത്തിനും ഓരോ ദിവസവും നന്ദിപ്രമേയ ചര്‍ച്ചയ്ക്കും ബജറ്റിലുള്ള പൊതുചര്‍ച്ചയ്ക്കും മൂന്നു ദിവസം വീതവും നീക്കിവച്ചിട്ടുണ്ട്. നിശ്ചയിച്ചിട്ടുള്ള നടപടികള്‍ പൂര്‍ത്തിയാക്കി സമ്മേളനം ഫെബ്രുവരി ഏഴിന് അവസാനിക്കും. പ്രളയത്തിനു ശേഷമുള്ള സര്‍ക്കാരിന്റെ ആദ്യനയപ്രഖ്യാപനവും ബജറ്റുമെന്ന പ്രത്യേകതയും ഇന്നത്തേ സമ്മേളനത്തിനുണ്ട്.