വാർത്തകൾ തത്സമയം ജനങ്ങളിൽ എത്തിക്കുന്ന ന്യൂസ് റൂമുകളിൽ തത്സമയം എന്താണ് നടക്കുന്നത് എന്ന് അറിയാൻ ജനങ്ങൾക്ക് അവസരം ഉണ്ടോ ? ഇല്ല എന്ന് പറയുന്നതിന് മുമ്പ് ബ്രിട്ടീഷ് മാധ്യമ പ്രവർത്തകൻ മാർക്ക് ഡി സ്‌റ്റെഫാനയുടെ ട്വീറ്റ് വായിക്കുക.

ലണ്ടൻ ആസ്ഥാനമായി പ്രവർത്തിക്കുന്ന സ്‌കൈ ന്യൂസ്, 32 ക്യാമറകളും മൈക്രോ ഫോണുകളും തങ്ങളുടെ ന്യൂസ് റൂമിൽ സ്ഥാപിക്കുകയാണ്. ഇവ ചിത്രീകരികരിക്കുന്ന ദൃശ്യങ്ങൾ എല്ലാ ദിവസവും രാവിലെ 5.30 മുതൽ 10.30 വരെ ഒരു പ്രത്യേക ചാനലിലൂടെ ലൈവ് സ്‌ട്രീം ചെയ്യും. "സ്‌കൈ ന്യൂസ് റോ" എന്നാവും ഇത് അറിയപ്പെടുക. സ്‌കൈ ന്യൂസ് തങ്ങളുടെ ജീവനക്കാർക്ക് ഇത് സംബന്ധിച്ച അറിയിപ്പ് ഇ മെയിലിലൂടെ നൽകി കഴിഞ്ഞു. സ്‌കൈ ന്യൂസിന്റെ കോർപ്പറേറ്റ് ആസ്ഥാനം മാത്രം ആകും ഇനി മുതൽ ക്യാമറകൾ ഇല്ലാത്ത സേഫ് സോൺ.

മാധ്യമ സ്ഥാപനങ്ങളിൽ വാർത്ത റിപ്പോട്ടറിൽ നിന്ന് ജനങ്ങളിലേക്ക് എത്തുന്നത് പലരുടെ അധ്വാനം കടന്നാണ്. എന്നാൽ പലരും ഇതിൽ റിപ്പോട്ടറെയും വാർത്ത വായിക്കുന്ന ആൾക്കാരെയും മാത്രമാണ് കാണാറ്. എന്നാൽ അധ്വാനിക്കുന്ന പലരും സ്‌ക്രീനിന് പുറത്തതാണ്. ന്യൂസ് റൂമുകളിലെ അൺ സങ്‌ ഹീറോസ് (unsung heroes) ആയവരുടെ അധ്വാനം ജനങ്ങളിൽ എത്തും എന്നതാണ് ഈ പരീക്ഷണത്തിന്റെ ഏറ്റവും വലിയ നേട്ടം. അത് പോലെ സുതാര്യത ന്യൂസ് റൂമുകളിലേക്ക് കടന്ന് വരും എന്നതും ഒരു നേട്ടം ആണ്.

എന്നാൽ ഇത് എത്രത്തോളം പ്രാവർത്തികം ആകും എന്ന കാര്യം സംശയം ആണ്. വളരെ അധികം പ്ലാനിങ് ആണ് സജീവം ആയ ന്യൂസ് റൂമുകളിൽ നടക്കുന്നത്. ഇതിൽ ഭൂരിഭാഗവും രഹസ്യമായി നടക്കേണ്ടതും. "ബിഗ് ബോസ്" റിയാലിറ്റി ഷോ യിലേത് പോലെ ന്യൂസ് റൂമുകളിൽ നടക്കുന്ന ചർച്ചകൾ ഒക്കെ പുറം ലോകം അറിഞ്ഞാൽ എന്താകും പുകിൽ ? സ്വാഭിവികം ആയും ന്യൂസ് റൂമുകളിൽ ഉള്ള സ്വാതന്ത്ര്യം പമ്പ കടക്കും. സർഗ്ഗാത്മകം ആയ പ്രണയം ഒക്കെ നടക്കുന്ന സ്ഥലം ആണ്. അതിന്റെ ഒക്കെ അവസ്ഥ ഇനി എന്താകുമോ എന്തോ ?

ഏതായാലും ഈ പരീക്ഷണം ശ്രദ്ധയോടെ വീക്ഷിക്കേണ്ടത് ആണ്. വിജയം ആയാലും പരാജയം ആയാലും ഇത് ഒരു പുത്തൻ അനുഭവം ആകും.